Ulttyq bank tóraǵasy Erbolat Dosaev úkimet otyrysynda 75 myńnan astam qazaqstandyq zeınetaqy jınaǵynyń bir bóligin alǵanyn málimdedi, dep habarlaıdy "Adyrna" ulttyq portaly
– Bıylǵy qańtarda aqparattyq júıelerdi ıntegraııalaýǵa baılanysty daıyndyq jumysy aıaqtalǵan soń Biryńǵaı jınaqtaýshy zeınetaqy qory azamattardyń zeınetaqy jınaqtarynyń bir bóligin alýǵa arnalǵan ótinimderin qabyldaı bastady. 12 aqpandaǵy jaǵdaı boıynsha 1 855,9 mlrd teńge somasyna 115 608 ótinim qabyldandy. Onyń ishinde 423,6 mlrd teńge somasyna 78 074 ótinim óńdeýge qabyldanyp, maquldandy. 12 aqpanda BJZQ 408,2 mlrd teńge somasyna 75 186 ótinim boıynsha birjolǵy zeınetaqy tólemin aýdardy, – dedi ol.
Qazaqstandyqtardyń basym kópshiligi zeınetaqy qorynyń bir bóligin qaıda jumsaǵandaryn da aıtty.
– Azamattar alynǵan jınaqtardyń 87 paıyzyn – turǵyn úı máselelerin sheshýge, onyń 45,5 paıyzyn – turǵyn úı satyp alýǵa (ıpotekasyz), 28,3 paıyzyn – ıpotekalyq qaryz boıynsha bereshekti óteýge, 10,5 paıyzyn – ekinshi deńgeıdegi bankterge bastapqy jarna úshin jáne Otbasy bankinde ıpoteka alýǵa, 2,3 paıyzyn – jeke turǵyn úı qurylysyn salýǵa, ıpotekany qaıta qarjylandyrýǵa, satyp alý quqyǵymen jaldaý sharty boıynsha bereshekti óteýge jáne ózge de maqsattarǵa jumsaýǵa aldy, – dedi Dosaev.
