Qaztalov audanynyŋ ortalyǧynda tūrǧyn üi kezegındegı azamattarǧa baspana kıltı tabystaldy, dep habarlaidy "Adyrna" ūlttyq portaly.
Memleket basşysy Qasym-Jomart Toqaev üi kezegınde tūrǧan äleumettık osal toptaǧy azamattardyŋ baspana mäselesın şeşu qajettıgın aita kele: «Äleumettık osal toptaǧy azamattarǧa qoldau körsetu – bızdıŋ basty mındetımız. Üi kezegınde tūrǧan azamattardyŋ baspana mäselesın şeşu üşın memlekettık qoldaudy küşeitıp, tūrǧyn üi qūrylysy men onyŋ qoljetımdılıgın arttyru qajet. Äsırese köpbalaly otbasylarǧa, mügedektıgı bar jandarǧa jäne halyqtyŋ äleumettık osal toptaryna erekşe nazar audaryp, olardyŋ baspanaǧa qol jetkızuıne barynşa jaǧdai jasauymyz kerek» – dep Ükımetke tapsyrma bergen bolatyn.
Prezidenttıŋ tapsyrmasyna säikes biylǧy jyly Kaztalov audany boiynşa 28 eldı-mekende üi kezegınde tūrǧan äleumettık osal toptaǧy otbasylarǧa arnap qos päterden 116 üige qarjy bölınıp, salynyp, qoldanysqa berılude.
Oblys äkımı baspanaǧa ie bolǧan azamattardy qūttyqtap, tūrǧyn üi kıltın saltanatty türde tabys ettı. Baspana ielerı memlekettık baǧdarlamanyŋ audanda jüzege asuyna yqpal etken oblys basşylyǧyna rizaşylyqtaryn bıldırdı.
— Bügın Prezidentımız Qasym-Jomart Kemelūlynyŋ bastamasymen auyl-aimaqtardy damytu boiynşa berılgen tapsyrmasynyŋ arqasynda baspanaly bolyp jatyrmyz. Osy baǧdarlamanyŋ jüzege asyryluyna at salysqan barşa azamattarǧa jäne jaŋa baspana salyp bergen merdıgerge rizaşylyǧymdy bıldıremın. Baspana ielerın bügıngı quanyştarymen şyŋ jürekten qūttyqtaimyn. Aldaǧy ötetın referendumda elımızdıŋ erteŋı üşın otbasymyzben öz taŋdauymyzdy jasaityn bolamyz. Memleketımızdıŋ qoldauynyŋ arqasynda baspanaly bolatyn otbasylarymyz köp bolsyn., — dedı Kaztalov auylynyŋ tūrǧyny Arailym Sansyzbaeva.
Käsıbi mediator, eŋbek ardagerı Marat Toiasov ta baǧdarlamanyŋ igılıgı mol ekenın jetkızdı.
— Soŋǧy uaqytta audanymyzda tūrǧyn üilerdıŋ salynuy quantarlyq jäit. Aldymen halyq baspanaly bolyp qalmaq. Sodan soŋ jaŋa üiler auyldyŋ ajaryn keltıredı. Biyl audanymyzda tūrǧyn üi kezegındegı otbasylardy baspanamen qamtamasyz etu maqsatynda 150-ge juyq tūrǧyn üiler salynyp jatyrǧany jönınde aqparatty äleumettık jelıler, gazet, teledidar arqyly estıp, bılıp otyrmyz. Audan äkımderınıŋ halyqpen kezdesu jiyndarynda köterılıp jürgen mäselelerdıŋ bırı osy – baspana mäselesı. Būl da öz kezegımen şeşımın tauyp, halyqtyŋ quanyşy eselenıp otyr. Elımızdı jäne sonyŋ ışınde öŋırımızde oryn alǧan tabiǧi apat su tasqyny oryn alǧan bolatyn. Prezidentımızdıŋ tıkelei tapsyrmasymen oblysymyzdyŋ bırneşe audandarynda jäne Oral qalasynda sanauly künderdıŋ ışınde jaŋa baspanalar boi kötergenıne barşamyz kuämız. Osy jūmystardyŋ bas qasynda jürgen Sızge de şynai rizaşylyǧymyzdy bıldıremız. Prezidentımızdıŋ bastamasymen 6-şy qazaŋda ötkızıletın referendumǧa jerlesterımızben belsene qatysyp, elımızde atom elektr stansiiasynyŋ salynuy üşın taŋdau jasaimyz. Baspanaǧa ie bolyp otyrǧan otbasylardy şyn jürekten qūttyqtaimyn! Şaŋyraqtaryŋyz şattyqqa tolyp, berekelı baspanada baqytty ǧūmyr keşıŋızder! Elımız aman, jūrtymyz tynyş bolyp, auylymyz ajarlana bersın!, — dedı ol.
Audan ortalyǧyndaǧy tūrǧyn üidı Nazarbek Quanov salsa, Qonys eldı mekenındegı tūrǧyn üidıŋ qūrylysyn Rinat Ǧūbaidullin jürgızdı.
Ūqsas jaŋalyqtar
