Bügın QR Aqparat jäne qoǧamdyq damu ministrı Darhan Qydyrälı Şymkentte qalalyq Qazaqstan halqy Assambleia janyndaǧy qoǧamdyq qūrylymdardyŋ jetekşılerımen, etnomädeni bırlestıkterdıŋ töraǧalarymen kezdestı.
«Dostyq üiı» bazasyndaǧy «Bırlık alaŋynyŋ» jūmysymen tanysyp, jergılıktı etnos ökılderımen «döŋgelek üstel» basynda aşyq pıkır almasty.
Qoǧamdyq kelısım men jalpyūlttyq bırlık salasyndaǧy memlekettık saiasat aiasynda bırlese atqaratyn jūmystarǧa toqtalǧan ministr üşınşı megapolis tūrǧyndarynyŋ berekelı bırlık jolyn jalǧap otyrǧanyna alǧys aitty.
Assambleia müşelerın tyŋdaǧan ministr ūltymyzdy ūiystyratyn tyŋ jobalarǧa memleket tarapynan ärdaiym demeu bolatynyn jetkızıp, etnos ökılderı arasynda memlekettık tıldı damytu men «Qazaqtanu» jobasyn jaŋǧyrtyp, damytuǧa qoldau bıldıretının atap öttı.
Qoǧamdyq kelısım men jalpyūlttyq bırlık salasyndaǧy memlekettık saiasat aiasynda bırlese atqaratyn jūmystarǧa toqtalǧan ministr üşınşı megapolis tūrǧyndarynyŋ berekelı bırlık jolyn jalǧap otyrǧanyna alǧys aitty.
– Ūlysymyzdyŋ ūiytqysy atanǧan oŋtüstık jūrtşylyǧy ärdaiym igı ısterdıŋ bastamaşysy bolyp otyr. Qalalyq assambleia müşelerı qoǧamdaǧy tūǧyrly tatulyǧymyzdy bekemdep, qaiyrymdylyq baǧytyndaǧy jūmystarǧa tūraqty atsalysuda, dedı Darhan Quandyqūly.Jiynda Qazaqstan özbekterı etnomädeni bırlestıkterı «Dustlik» qauymdastyǧynyŋ töraǧasy, qalalyq QHA töraǧasynyŋ orynbasary İkramjan Haşimjanov qalalyq assambleianyŋ atqarǧan jūmystaryn baiandap, özara bauyrlastyqty nyǧaituǧa arnalǧan ıs-şaralardy respublikalyq deŋgeide aqparattyq qoldau körsetuge şaqyrdy. Slavian etnomädeni bırlestıgınıŋ töraiymy Natalia Romanova «Qazaqtanu» jobasy boiynşa ıske asyp jatqan bastamalardy aityp, QR Aqparat jäne qoǧamdyq damu ministrlıgı arqyly «Qazaqtanu» arnaiy aqparattyq resursyn qūrudy ūsyndy. Türık etnomädeni bırlestıgınıŋ töraǧasy Latipşa Asanov investisiia tartu, «Assambleia jastary» ūiymy qalalyq ökıldıgınıŋ basşysy Nūrbolat Meiırbekov jastardy qoldau turaly söz söilep, ūsynys-pıkırlerın aitty.
Assambleia müşelerın tyŋdaǧan ministr ūltymyzdy ūiystyratyn tyŋ jobalarǧa memleket tarapynan ärdaiym demeu bolatynyn jetkızıp, etnos ökılderı arasynda memlekettık tıldı damytu men «Qazaqtanu» jobasyn jaŋǧyrtyp, damytuǧa qoldau bıldıretının atap öttı.
– Şymkent şyraily şahar boluymen qatar, şūǧylaly öŋır. Bügınde qala aumaǧynda tūratyn etnos ökılderı berekelı bırlık jolyndaǧy bastamalar aiasyna toptasyp, eldık jolyndaǧy ısterge atsalysyp keledı. Tılımız – tatulyqtyŋ tılı boluy tiıs. Būl baǧytta şymkenttık assambleia müşelerı özge aimaqtarǧa ülgı bola alady, dedı ministr.Aita keteiık, bügınde elımızdıŋ üşınşı megapolisı Şymkentte 1 million 112 myŋnan astam halyq tūrady. Ūlttyq qūramy boiynşa tūrǧyndardyŋ 30%-dan astamyn etnos ökılderı qūraidy. Qala aumaǧynda 17 etnomädeni bırlestık jäne olardyŋ janynda 19 şyǧarmaşylyq ūiym men 3 jeksenbılık mektep äreket etedı.
Ūqsas jaŋalyqtar
