Elimizdegi turǵyn úı baǵasy 10 proentke deıin arzandaýy múmkin. Bul týraly jyljymaıtyn múlik naryǵy boıynsha sarapshy Anel Muqatova habarlady. Biraq qazirdiń ózinde baǵany qoljetimdi deý qıyn. Qazan aıynda jańa úılerdiń ortasha quny sharshy metri úshin 305 myń teńgeden asty. Ótken aıda elordada jasalǵan 5000-ǵa tarta kelisimniń jartysynan kóbi ıpotekalyq baǵdarlamalar arqyly rásimdelgen.
Atam qazaq "Úıi joqtyń kúıi joq" degen sózdi búgingi zamandy boljap aıtqandaı. Pandemııamen qabattasa kelgen ekonomıkalyq qıyndyqtar qoǵamdy teńseltip tur. Osyǵan oraı Memleket basshysy biraz sharalardy qabyldady. Turǵyn úı máselesimen basy aýrǵan jurttyń nazary árıne, joǵary jaqta.
Bizdiń elde jyljymaıtyn múlik agenttigi arqyly kelissózder negizinen ekinshi naryqtaǵy úılerge baılanysty jasaldy. Kópshilik mundaı úılerdi 11 proentke qymbat alýǵa májbúr boldy. Sol sebepti bolar kelisimder aldyńǵy aıǵa qaraǵanda 9 proentke az rásimdelgen. Aıta keteıin, kelesi jyly bas qalada 10 myń áleýmettik páter paıdalanýǵa beriledi.
Jyljymaıtyn múlik naryǵynyń sarapshysy Anel Muqatovanyń aıtýynsha: "Elordada ótken aıda jyljymaıtyn múlik boıynsha 4780 satý-satyp alý kelisimi jasaldy. Ulttyq statıstıka bıýrosynyń dereginshe, bul aldyńǵy aımen salystyrǵanda 9,6 proentke az" deıdi.
Elimizde eń basty problemalardyń biri - baspana máselesi ekeni belgili.
Sonymen qatar, "Dese de, agenttik kórsetetetin qyzmetter úlesi artqan. Onyń 60 proenti ıpotekalyq kelisimder boldy. Ipotekalyq nesıeleý negizinen ekinshi naryqtaǵy úılerge tıesili", deıdi Anel Muqatova.
Turǵyn úı baǵasy arzandasa, aı saıyn páterge tólep, qaltasy qaǵylǵan jurttyń birazy qonys toıyn toılaýǵa múmkindik bolar edi.
Ularbek Dáleıuly
Sýret ınternet jelisinen
