Qazaqstan áz Naýryz merekesin úkimet bekitken tujyrymdamaǵa sáıkes, 10 kún toılaýǵa nıetti, dep habarlaıdy «Adyrna» ulttyq portaly zakon.kz. saıtyna silteme jasap.
Mádenıet jáne sport mınıstrligi Memleket basshysynyń tapsyrmasy boıynsha, «Naýryz meıramyn toılaý tujyrymdamasyn bekitý týraly» úkimet qaýlysynyń jobasyn ázirlep, ony «Ashyq NQA» portalyna júktedi.
Jobada Naýryz meıramyn toılaýǵa baılanysty is-sharalardy 10-24 naýryz aralyǵynda 10 kún boıyna ótkizý josparlanǵany kórsetilgen.
Tujyrymdamany iske asyrýdyń tetikteri kelesideı bolady:
14 naýryz – «Kórisý kúni»
15 naýryz – «Jaılaý kúni»
16 naýryz – «Shejire kúni»
17 naýryz – «Tarıhqa taǵzym kúni»
18 naýryz – «Igi ister kúni»
19 naýryz – «Shymyrlyq pen sheberlik kúni»
20 naýryz – «Zııatkerlik kúni»
21 naýryz – «Ulttyq taǵamdar kúni»
22 naýryz – «Ulystyń uly kúni»
23 naýryz – «Joralǵy kúni»
Sondaı-aq tujyrymdamada odan kútiletin nátıjeler de basa kórsetilgen:
1) otbasyny jáne qoǵamdy uıystyratyn qundylyqtar nyǵaıady;
2) ekologııalyq mádenıetti qalyptastyrý, aýmaqty abattandyrý boıynsha jumystardy uıymdastyrý deńgeıi artady;
3) qaıyrymdylyq pen meenattyqtyń mádenıeti qalyptasady. Jappaı sanada olardy nyǵaıtýǵa baǵyttalǵan is-sharalar ótkiziledi;
4) ulttyq biregeılikti nyǵaıtý, qazaq halqynyń ulttyq dástúrlerin kórsetý boıynsha buqaralyq is-sharalar ótkiziledi;
5) Qazaqstan halqynyń birligi men kelisimi kúsheıtiledi, jalpy qazaqstandyq qundylyqtar, evolıýııalyq damý mádenıeti qalyptasady jáne nyǵaıady.
