Qazaqstan äz Nauryz merekesın ükımet bekıtken tūjyrymdamaǧa säikes, 10 kün toilauǧa niettı, dep habarlaidy «Adyrna» ūlttyq portaly zakon.kz. saityna sılteme jasap.
Mädeniet jäne sport ministrlıgı Memleket basşysynyŋ tapsyrmasy boiynşa, «Nauryz meiramyn toilau tūjyrymdamasyn bekıtu turaly» ükımet qaulysynyŋ jobasyn äzırlep, ony «Aşyq NQA» portalyna jüktedı.
Jobada Nauryz meiramyn toilauǧa bailanysty ıs-şaralardy 10-24 nauryz aralyǧynda 10 kün boiyna ötkızu josparlanǧany körsetılgen.
Tūjyrymdamany ıske asyrudyŋ tetıkterı kelesıdei bolady:
14 nauryz – «Körısu künı»
15 nauryz – «Jailau künı»
16 nauryz – «Şejıre künı»
17 nauryz – «Tarihqa taǧzym künı»
18 nauryz – «İgı ıster künı»
19 nauryz – «Şymyrlyq pen şeberlık künı»
20 nauryz – «Ziiatkerlık künı»
21 nauryz – «Ūlttyq taǧamdar künı»
22 nauryz – «Ūlystyŋ ūly künı»
23 nauryz – «Joralǧy künı»
Sondai-aq tūjyrymdamada odan kütıletın nätijeler de basa körsetılgen:
1) otbasyny jäne qoǧamdy ūiystyratyn qūndylyqtar nyǧaiady;
2) ekologiialyq mädeniettı qalyptastyru, aumaqty abattandyru boiynşa jūmystardy ūiymdastyru deŋgeiı artady;
3) qaiyrymdylyq pen mesenattyqtyŋ mädenietı qalyptasady. Jappai sanada olardy nyǧaituǧa baǧyttalǧan ıs-şaralar ötkızıledı;
4) ūlttyq bıregeilıktı nyǧaitu, qazaq halqynyŋ ūlttyq dästürlerın körsetu boiynşa būqaralyq ıs-şaralar ötkızıledı;
5) Qazaqstan halqynyŋ bırlıgı men kelısımı küşeitıledı, jalpy qazaqstandyq qūndylyqtar, evoliusiialyq damu mädenietı qalyptasady jäne nyǧaiady.
Ūqsas jaŋalyqtar
