Qyzylorda oblysynyń Fınlıandııa, Estonııa memleketterinde ótken óner kúnderi odan ári Ispanııanyń Madrıd qalasynda jalǵasyp, Ulystyń uly kúnine arnalǵan konertpen qorytyndylandy.
Eýropa jurtshylyǵy Naýryz merekesiniń tarıhı jáne mádenı mańyzy týraly mol aqparatqa qanyqty. Sapardyń maqsaty da osy, ıaǵnı qazaq halqynyń ulttyq murasyn álem jurtshylyǵyna tanystyrý, shyǵarmashylyq ujymdarmen tájirıbe almasý bolatyn.
«NAURYZ – CELEBRATION OF SPRING» ataýymen ótken konertke kórermen kóp jınaldy. Onda Qazaqstannyń Ispanııa Koroldigindegi tótenshe jáne ókiletti elshisi Danat Musaev pen Leganes qalasy ákiminiń orynbasary Delgado Karlos sóz sóılep, Syr eliniń ónerpazdaryna alǵys bildirdi.
Baı mádenıeti, tarıhy jáne tamasha tabıǵatymen áıgili Ispanııa eli óziniń tamyry tereń ónerin, ǵajaıyp sáýletin maqtanysh etedi. Qazaqtyń dástúrli mýzykasy men ulttyq ónerinen úndestik tapqandyqtan, kórermen qaýym sahnada shyrqalǵan án-jyrǵa, jalpy konerttik baǵdarlamaǵa zor qyzyǵýshylyq tanytty. Qyzylorda oblystyq fılarmonııasynyń ónerpazdary kún men túnniń teńeletin, kúlli tirshilik qaıta túleıtin tabıǵat merekesiniń bar boıaýyn jarqyratyp usyndy. «Jarapazan» aıtylyp, qazaqtyń ıgi dástúrimen shashý shashyldy. Naýryz- dýmannyń bastalǵanyn «Toıbastar» ánimen kórsetip, qala turǵyndary men qonaqtaryna, dıaspora múshelerine, qazaqstandyq jáne sheteldik stýdentterge ult qazynasynyń mol murasy týraly maǵlumat berdi.
Konertke «Aqmeshit» folklorlyq ansambli (jetekshisi – Nurǵısa Nurbaı), Rýslan Ahmetov, Sholpan Bımbetova, Samal Baıseıtova, Aqmaral Noǵaıbaeva, Marat Súgirbaı, Muhtar Nııazov, Baǵdáýlet Qarǵabaev, Symbat Tasbergenova, Maǵjan Amanjolov, Aqylbek Tabynbaev, Toqtar Aǵyraev, Aqnur Amanbaeva, Sábıt Dildabaev, Almas Áljanov, Zamanbek Nysanbaev, Arman Tólesh qatysyp, óner kórsetti.
Gastroldik saparda kórermenge konerttik baǵdarlamamen qatar, qazaq halqynyń ulttyq taǵamdary usynyldy. Ulttyq naqyshpen bezendirilgen syı-sııapat ta taratyldy.
