BQO Kaztalov audanynyŋ Jalpaqtal auylynda Ūlystyŋ Ūly künı qarsaŋynda jas ūstaz baspanaly boldy.
— Bügınde elımız Memleket basşysy Qasym-Jomart Kemelūly Toqaevtyŋ bastamasymen jaŋaru jolyna nyq qadam basyp keledı. Ūlttyq qūndylyqtardy ūlyqtai otyryp, öŋırlerdı damytu, auyldyŋ äleuetın arttyru – memlekettık saiasattyŋ basym baǧyttarynyŋ bırı. Osy rette audanymyzda jüzege asyrylyp jatqan «Qaladan-auylǧa» öŋırlık baǧdarlamasynyŋ maŋyzy erekşe. Baǧdarlama aiasynda audanymyzdyŋ 16 eldı mekenıne 47 otbasy qonys audaryp, jaŋa ömırge qadam basty. Qonys audarǧan azamattardyŋ qatarynda 91 eresek adam men 155 bala bar. Äsırese, Jalpaqtal auylyna 4 därıger otbasynyŋ keluı halyqtyŋ densaulyǧyn jaqsartuǧa baǧyttalǧan naqty qadam, auyldyq jerlerdegı äleumettık infraqūrylymnyŋ nyǧaiyp kele jatqanynyŋ aiqyn dälelı, — degen audan äkımı Aslanbek Sarqūlov öŋır basşysy Nariman Töreǧaliūlynyŋ bastamasymen jüzege asyp jatqan «Qaladan-auylǧa» jobasy aiasynda, Oral qalasynan qonys audarǧan, Ǧ.Moldaşev atyndaǧy JOBBM-nıŋ informatika pänı mūǧalımı Asyljan Baqytjanǧa jaŋa tūrǧyn üidıŋ kıltın saltanatty türde tabystady.
Asyljan Baqytjan da mereke qarsaŋynda quanyşynyŋ eselengenıne riza ekendıgın bıldırdı.
— Osyndai quanyşty sätte baspanaly bolyp otyrǧanyma erekşe rizamyn. Būl – bızdıŋ otbasymyz üşın ülken qoldau, ärı jaŋa ömırdıŋ bastauy. Memleket basşysy Qasym-Jomart Kemelūly Toqaevqa, öŋır basşysy Nariman Töreǧaliūlyna, sondai-aq audan basşylyǧyna halyqtyŋ äl-auqatyn arttyru, jas mamandardy qoldau baǧytynda jasap jatqan jüielı jūmystary üşın şynaiy alǧysymdy bıldıremın. Auylǧa kelıp, eŋbek etuge barlyq jaǧdai jasalyp otyr. Bız de öz kezegımızde el senımın aqtap, bılım salasynda aianbai qyzmet etıp, öskeleŋ ūrpaq tärbiesıne üles qosuǧa bar küş-jıgerımızdı salamyz, — dedı Asyljan Baqytjan.
