Álemdi kompıýterlendirýdiń jańa ǵasyry bastaldy.
Bizdiń burynǵy bala kezimizde aıtylatyn ertegidegi ushatyn kilemder qazirgi ýaqytta túkke alǵysyz ıllıýzııalardyń qatarynda qaldy. Aldaǵy 100 jyldyqtarda adam balasy úshin Marsqa, Aıǵa baryp kelý asa qıyndyq týdyrmaýy da múmkin.
Álem ǵalymdary kvantty sanaǵa aýysatyn zamandy jaqyndatyp jatyr. Halyqaralyq ǵylymı "Nature Nanotechnology" basylymy kvantty sana jaıynda jańa ǵylymı derekterdi jaryqqa shyǵardy. Gollandııanyń Radboud University Nijmegen ýnıversıtetiniń fızıkteri kvantty sanany iske qosýdyń eń alǵashqy qadamdaryn jasady. Olar jekelengen atomdar men neırondardyń arasyndaǵy jelili baılanysty tapty. Muny adam mıynyń ishinde iske asyrýǵa bolatynyn anyqtady. Ǵylymdaǵy eń tereń ári qupııa sala osy kvantty sana men fızıkadaǵy kvantty adasý bolyp kelgen edi.
Kvantty sananyń da dáýiri bastalǵan sııaqty. Bul ǵylymı tartys osy ýaqytqa deıin álem ǵalymdary arasynda daý týǵyzyp kelgen edi. Endi ǵylymdaǵy naǵyz fýndamentaldi izdenistiń kezeńi bastaldy dep jatyr ǵalymdar. Jasandy ıntellekt salasynda kvantty sanany ómirge keltirý ǵylymdaǵy naǵyz jetistik bolaıyn dep tur.
Qazirgi kompıýterler keshendi baǵdarlamalar arqyly jumys jasasa, aldaǵy ýaqyttaǵy kompıýterler ózdiginen jumys jasaýǵa kóshetin bolady. Ári olardyń aqparatty saqtaýy men syıymdylyǵy áldeqaıda keń bolǵaly tur. Ǵalymdar 2050 jylǵa deıin Japonııanyń óndiris salasy tolyǵymen robototehnıka men ózdiginen jumys jasaıtyn avtomattandyrylǵan júıege ótedi dep jatyr. 2050 jyly Japonııa robottardyń basqarylýyna ótedi.
21-shi ǵasyr - qazirgi adamzat órkenıetindegi tehnologııa damýynyń sharyqtaý shegine jetken ǵasyry!
Álem qaıda barady, qazaq qaıda barady?
Bul ǵasyrda ǵylymy men tehnologııasy joq elder tehnologııalyq otarǵa aınalary sózsiz.
Bekbolat QARJAN,
"Adyrna" ulttyq portaly
