بەكبولات قارجان.الەم عالىمدارى كۆانتتى ساناعا اۋىساتىن زاماندى جاقىنداتىپ جاتىر

1937
Adyrna.kz Telegram
الەمدى كومپيۋتەرلەندىرۋدىڭ جاڭا عاسىرى باستالدى.
ءبىزدىڭ بۇرىنعى بالا كەزىمىزدە ايتىلاتىن ەرتەگىدەگى ۇشاتىن كىلەمدەر قازىرگى ۋاقىتتا تۇككە العىسىز يلليۋزيالاردىڭ قاتارىندا قالدى. الداعى 100 جىلدىقتاردا  ادام بالاسى ءۇشىن مارسقا، ايعا بارىپ كەلۋ اسا قيىندىق تۋدىرماۋى دا مۇمكىن.
الەم عالىمدارى كۆانتتى ساناعا اۋىساتىن زاماندى جاقىنداتىپ جاتىر. حالىقارالىق عىلىمي "Nature Nanotechnology" باسىلىمى كۆانتتى سانا جايىندا جاڭا عىلىمي دەرەكتەردى جارىققا شىعاردى. گوللانديانىڭ Radboud University Nijmegen ۋنيۆەرسيتەتىنىڭ فيزيكتەرى كۆانتتى سانانى ىسكە قوسۋدىڭ ەڭ العاشقى قادامدارىن جاسادى. ولار جەكەلەنگەن اتومدار مەن نەيرونداردىڭ اراسىنداعى جەلىلى بايلانىستى تاپتى. مۇنى ادام ميىنىڭ ىشىندە ىسكە اسىرۋعا بولاتىنىن انىقتادى. عىلىمداعى ەڭ تەرەڭ ءارى قۇپيا سالا وسى كۆانتتى سانا مەن فيزيكاداعى كۆانتتى اداسۋ بولىپ كەلگەن ەدى.
كۆانتتى سانانىڭ دا ءداۋىرى باستالعان سياقتى. بۇل عىلىمي تارتىس وسى ۋاقىتقا دەيىن الەم عالىمدارى اراسىندا داۋ تۋعىزىپ كەلگەن ەدى. ەندى عىلىمداعى ناعىز فۋندامەنتالدى ىزدەنىستىڭ كەزەڭى باستالدى دەپ جاتىر عالىمدار. جاساندى ينتەللەكت سالاسىندا كۆانتتى سانانى ومىرگە كەلتىرۋ عىلىمداعى ناعىز جەتىستىك بولايىن دەپ تۇر.
قازىرگى كومپيۋتەرلەر كەشەندى باعدارلامالار ارقىلى جۇمىس جاساسا، الداعى ۋاقىتتاعى كومپيۋتەرلەر وزدىگىنەن جۇمىس جاساۋعا كوشەتىن بولادى. ءارى ولاردىڭ اقپاراتتى ساقتاۋى مەن سىيىمدىلىعى الدەقايدا كەڭ بولعالى تۇر. عالىمدار 2050 جىلعا دەيىن جاپونيانىڭ ءوندىرىس سالاسى تولىعىمەن روبوتوتەحنيكا مەن وزدىگىنەن جۇمىس جاسايتىن اۆتوماتتاندىرىلعان جۇيەگە وتەدى دەپ جاتىر. 2050 جىلى جاپونيا روبوتتاردىڭ باسقارىلۋىنا وتەدى.
21-ءشى عاسىر - قازىرگى ادامزات وركەنيەتىندەگى تەحنولوگيا دامۋىنىڭ شارىقتاۋ شەگىنە جەتكەن عاسىرى!
الەم قايدا بارادى، قازاق قايدا بارادى؟
بۇل عاسىردا عىلىمى مەن تەحنولوگياسى جوق ەلدەر تەحنولوگيالىق وتارعا اينالارى ءسوزسىز.
بەكبولات قارجان، 
"ادىرنا" ۇلتتىق پورتالى 
پىكىرلەر