Astrahan oblysynan jıberılgen ballistikalyq raketa Dneprge şabuyl jasady, dep habarlaidy "Adyrna" ūlttyq portaly dw.com-ǧa sıltep.
Ukrainalyq taraptyŋ mälımetı boiynşa, 21 qaraşada Resei äskerı Dnepr qalasyna ärtürlı tiptegı raketalar, onyŋ ışınde aeroballistikalyq "Kinjal" raketasy, jetı H-101 qanatty raketasy jäne qūrlyqaralyq ballistikalyq raketa (QBR) atqylady. Raketa Astrahan oblysynan ūşyrylǧan. Şabuyldyŋ maqsaty – käsıporyndar men maŋyzdy infraqūrylym nysandary boldy dep habarlanady.
Ukraina Äue küşterınıŋ mälımdeuınşe, zenittık äue qorǧanys bölımşelerı H-101 ülgısındegı alty raketany atyp tüsırdı. Basqa raketalar eleulı zardap äkelmedı. Jaralanǧandar men qaza tapqandar turaly aqparat älı tüspegen.
Ukrainalyq Telegram arnalarynyŋ mälımetınşe, Dnepr qalasyna RS-26 "Rubej" ballistikalyq raketasy qoldanylǧan boluy mümkın. Būl raketa 2000 jyldardyŋ ortasynda äzırlenıp, 2011 jyly alǧaşqy ūşuyn jüzege asyrǧan. Onyŋ ūşu qaşyqtyǧy 6000 şaqyrymǧa jetedı. Būǧan deiın būl qaru 2017 jyly qaru-jaraq qataryna enuı tiıs bolǧanymen, keiınırek "İskander" keşenı paidasyna alynyp tastalǧan
Dnepropetrovsk oblystyq äskeri äkımşılıgınıŋ basşysy Sergei Lysaktyŋ aituynşa, şabuyl saldarynan mügedekterge arnalǧan oŋaltu ortalyǧy, qazandyqtar jäne bırneşe ondaǧan terezeler zaqymdanǧan. Sonymen qatar, garaj kooperativınde ört şyǧyp, ekı jeke üi būzylǧan.
Eger QBR qoldanylǧany rastalsa, būl Resei-Ukraina soǧysy kezınde mūndai qarudyŋ bırınşı ret qoldanyluy bolmaq. Bloomberg agenttıgınıŋ mälımdeuınşe, būl qadam Reseidıŋ iadrolyq qaru mümkındıkterın aşyq körsetuge baǧyttalǧan belgı boluy mümkın.
Resei tarapy QBR qoldanylǧanyn resmi türde rastamady. Resei prezidentınıŋ ökılı Dmitrii Peskov jurnalisterge mūndai aqparatty reseilık äskeri mekemelerden sūraudy ūsyndy.
Soŋǧy künderı Kievtegı AQŞ, İspaniia, İtaliia jäne Grekiia elşılıkterı äue şabuyldarynyŋ qaupıne bailanysty öz jūmysyn uaqytşa toqtatty.
Aita keteiık, 19 qaraşada Ukraina alǧaş ret amerikalyq ATACMS zymyrandary arqyly Resei aumaǧyna soqqy berdı.
Ūqsas jaŋalyqtar
