«Eýrazııa» kınofestıvali kezekti ret óziniń Ortalyq Azııadaǵy eń aýqymdy jəne bedeldi mədenı is-shara ekenin dəleldep otyr. Bıyl qazylar alqasynyń 70%-yn Túrkııa, Qytaı, Franııa, Ózbekstan, Qyrǵyzstan, Reseı, Shveııa, Marokko sııaqty elderden kelgen sheteldik sarapshylar tolyqtyrdy. Bul festıvaldiń halyqaralyq deńgeıde moıyndalǵanyn jəne oǵan degen qyzyǵýshylyqty aıqyndaıdy.
Mədenı shara 24-30 qarasha aralyǵynda Almatyda ótedi. Kıno əleminiń úzdik mamandary – rejısserler, akterler, senarıster men kórermender bir alańda toǵysady. Olar ózara pikir almasyp, zamanaýı kınonyń damýyndaǵy jańa ədisterdi talqylap, óz təjirıbesimen bólise alady.
Festıvaldiń negizgi baıqaýlary da erekshe nazarda. Halyqaralyq baıqaýǵa əlem kınematografııasynyń ańyzy, Kann kınofestıvaliniń «Altyn palma butaǵy» ıegeri Nýrı Bılge Djeılan tóraǵalyq eteli. Qazylar alqasynyń quramyna sondaı-aq Rano Shodıeva, Nada Ajarı Gıllon, qazaqstandyq rejısser Erlan Nurmuhambetov jəne qyrǵyz rejısseri Artyqpaı Súıindikov bar. Al Ortalyq Azııa jəne túrki əlemi elderi baıqaýynda baq synasatyn týyndylardyń eń úzdigin basqa top anyqtaıdy. Qazylar alqasynyń tóraǵasy Lı Baohýa. Onyń shyǵarmashylyǵy negizinen mədenı mura taqyrybyna arnalǵan jəne kınosúıer qaýymnyń kóńilinen shyǵady. Qytaılyq rejıssermen birge fılmderdi marokkolyq Abdelıla El Djaýharı, reseılik Alekseı Telnov jəne qazaqstandyq prodıýser Janna Qýanysheva baǵalaıdy.
Festıvalge sondaı-aq Azııa elderiniń kınematografııasyna erekshe kózqaras usynatyn NETPAC qazylar alqasy qatysady. Olardyń qatarynda Nına Kochelıaeva, Gúlbara Tolomýshova jəne Andre Rafael Ivanov bar.
Kınofestıvaldiń júlde qory da kóńil qýantarlyq. Ol 20 mıllıon teńgeden asady. Baıqaýdyń bas júldesin jeńgen fılm 4 mıllıon teńgeni qanjyǵasyna baılaıdy. Bul otandyq jəne sheteldik kınematografısterdi shabyttandyratyny sózsiz.
Festıval aıasyndaǵy kórsetilimder 25-30 qarasha aralyǵynda Kinopark 11 IMAX Esentai kınoteatrynda ótedi. Eń
bastysy mədenı sharanyń keń aýdıtorııaǵa qoljetimdi bolýy úshin barlyq kórsetilimder tegin bolmaq.
Dəstúrli festıvaldiń negizin qalaýshy jəne uıymdastyrýshy – QR Mədenıet jəne aqparat mınıstrligi. Kınofestıvaldi tikeleı uıymdastyrý Shəken Aımanov atyndaǵy «Qazaqfılm» ulttyq kınostýdııasyna júktelgen.
Aıta keteıik, is-sharaǵa KAZ Minerals ken óndirý kompanııasy, Sarens Kazakhstan, Salem Entertainment, Kinopark Theatres kınoteatrlar jelisi, Eurasian Resources Group (ERG), Astana Motors demeýshilik etti.
Bas demeýshi: Bazis-A halyqaralyq qurylys kompanııasy.
Aqparattyq seriktester: «Habar» AQ, Qazaqstan telearnasy, «NTK» telearnasy, «Evropa plıýs Kazahstan», «Eldoradıo», Qazaq Gazetteri, Egemen Qazaqstan, «Kazahstanskaıa pravda», «Antenna Kazahstan», «Novoe pokolenıe», ORDA, «QazAqparat» HAA, ArbatMedia, El.kz, Baq.kz.
