Algeımer aýrýy týraly buryn sońdy estip pe edińiz? "Adyrna" ulttyq portalynyń tilshisi qaýipti mı aýytqýy týraly mańyzdy aqpar jınady.
Kóbi algeımermen jasy kelgen, qartaıǵan adamdar aýyrady dep qatelesip jatady. Alaıda, bul aýytqý 40 jastan-aq bastalýy múmkin.
Áıel adamdardyń ómir súrý jasy uzaq bolǵandyqtan, bul psıhologııalyq aýytqýdan kóbirek zardap shegedi. Aýytqýdyń naǵyz sharyqtaıtyn ýaqyty 60 jastan asqannan keıin ekeni de anyqtaldy.
Álem boıynsha 2016 jyly dál osy algeımer aýrýynan 44 mılllıon adam aýyrǵan. Tuqym qýalaıtyn aýrý bop sanalady.
Algeımer aýrýynyń sımptomdaryna:
1. Kóńil-kúı minez qulyǵynyń ózgerýi
2. tildiń kúrmelenýi
3. este saqtaý qabiletiniń nasharlaýy
4. qorshaǵan ortany qabyldaı almaýy, seziný músheleriniń álsireýi
5 oılaý, topshylaý (tanymdyq mashyqtar)
Professor, mádenıet ǵylymdarynyń doktory, psıholog Andreı Zberovskıı óz suhbatynda Algeımer aýrýynyń alǵashqy belgileri týraly aıtty.
"Ol alǵashynda otyz jyldan beri júrip kele jatqan dúkenniń qaı jerde ornalasqanyn umytady. Taǵy bir belgi - adamdar kúndelikti qoldanystaǵy sózderdi umyta bastaǵan kezde olardy basqa maqsattarda qoldana bastaıdy. Aıtylǵan oıynyń maǵynasyn túsindire almaýy múmkin", - mádenıet ǵylymdarynyń doktory, psıholog Andreı Zberovskıı.
Ol mundaı jaǵdaıda shuǵyl túrde dárigerge qaralý qajet ekenin tilge tıek etti.
Mamannyń aıtýy boıynsha, bir suraqty san ret qaıtalap, jaýabyn umyta beretin adamdar algeımer aýrýynyń ekinshi kezeńine ótkenin baıqatady.
"Adyrna" ulttyq portaly
