ولىمگە اكەلەتىن مي اۋرۋىنىڭ العاشقى بەلگىلەرى اتالدى

3069
Adyrna.kz Telegram

التسگەيمەر اۋرۋى تۋرالى بۇرىن سوڭدى ەستىپ پە ەدىڭىز؟ "ادىرنا" ۇلتتىق پورتالىنىڭ ءتىلشىسى قاۋىپتى مي اۋىتقۋى تۋرالى ماڭىزدى اقپار جينادى. 

كوبى التسگەيمەرمەن جاسى كەلگەن، قارتايعان ادامدار اۋىرادى دەپ قاتەلەسىپ جاتادى. الايدا، بۇل اۋىتقۋ 40 جاستان-اق باستالۋى مۇمكىن.

ايەل ادامداردىڭ ءومىر ءسۇرۋ جاسى ۇزاق بولعاندىقتان، بۇل پسيحولوگيالىق اۋىتقۋدان كوبىرەك زارداپ شەگەدى. اۋىتقۋدىڭ ناعىز شارىقتايتىن ۋاقىتى 60 جاستان اسقاننان كەيىن ەكەنى دە انىقتالدى.

الەم بويىنشا 2016 جىلى ءدال وسى التسگەيمەر اۋرۋىنان 44 ميللليون ادام اۋىرعان.  تۇقىم  قۋالايتىن اۋرۋ بوپ سانالادى.

التسگەيمەر اۋرۋىنىڭ سيمپتومدارىنا:

1. كوڭىل-كۇي مىنەز قۇلىعىنىڭ وزگەرۋى

2.  ءتىلدىڭ كۇرمەلەنۋى

3.  ەستە ساقتاۋ قابىلەتىنىڭ ناشارلاۋى

4.  قورشاعان ورتانى قابىلداي الماۋى، سەزىنۋ مۇشەلەرىنىڭ السىرەۋى

5 ويلاۋ، توپشىلاۋ (تانىمدىق ماشىقتار)

پروفەسسور، مادەنيەت عىلىمدارىنىڭ دوكتورى، پسيحولوگ اندرەي زبەروۆسكي ءوز سۇحباتىندا التسگەيمەر اۋرۋىنىڭ العاشقى بەلگىلەرى تۋرالى ايتتى.

"ول العاشىندا وتىز جىلدان بەرى ءجۇرىپ كەلە جاتقان دۇكەننىڭ قاي جەردە ورنالاسقانىن ۇمىتادى. تاعى ءبىر بەلگى - ادامدار كۇندەلىكتى قولدانىستاعى سوزدەردى ۇمىتا باستاعان كەزدە ولاردى باسقا ماقساتتاردا قولدانا باستايدى. ايتىلعان ويىنىڭ ماعىناسىن تۇسىندىرە الماۋى مۇمكىن", - مادەنيەت عىلىمدارىنىڭ دوكتورى، پسيحولوگ اندرەي زبەروۆسكي.

ول مۇنداي جاعدايدا شۇعىل تۇردە دارىگەرگە قارالۋ قاجەت ەكەنىن تىلگە تيەك ەتتى.

ماماننىڭ ايتۋى بويىنشا، ءبىر سۇراقتى سان رەت قايتالاپ، جاۋابىن ۇمىتا بەرەتىن ادامدار التسگەيمەر اۋرۋىنىڭ ەكىنشى كەزەڭىنە وتكەنىن بايقاتادى.

"ادىرنا" ۇلتتىق پورتالى 

پىكىرلەر