Elimizde aqparat qaýipsizdigi saqtalmaı otyr. Oǵan kúndelikti kózimiz kórip, qulaǵymyz estip júrgen «telejáshiktegi» kórinister kýá.
Basty «Otaý tv» otandyq sandyq aqparat taratýshy jáne basqa da kabeldi operatorlary kóbinese Reseı arnalaryn kórermen nazaryna usynýdan jalyqpaı keledi. Bul qalypty tendenııaǵa aınaldy. Kórshi memlekettiń jańalyqtaryn kópshilik qaýymǵa jetkize otyra, ózge eldiń sanany ýlaıtyn teris saıasatyn bizge nasıhattaýda. Ásirese «Reseı 24» aı-kúnniń amanynda tikeleı efırde ásireultshyl Vladımır Jırınovskııdiń Qazaqstannyń keıbir oblysyn Reseıge qosyp alý turǵysyndaǵy, memleketimizdiń tutastyǵyna nuqsan keltiretin dakpyrt málimdemelerin taratyp, el ishinde ultaralyq narazylyqty týǵyzýǵa áser etýde. Oǵan Vladımır Solovevtiń qazaqstan týraly shovınıstik pıǵyldaǵy sózderin qosyp qoıynyz. Árıne, sony kórip estigen ózge ult azamattarynyń elimizge degen «ózgeshe oıynyń» paıda bolatyny shyndyq.
Atalǵan jaıttardan Qaraǵandy qalasy da qalys qalmaı keledi. Máselen, osyndaǵy jekemenshik «5 arna» 15 jyldan astam ýaqyt aımaǵymyzǵa «Reseı 1» telearnasyna retranslıaııa jasap keledi. Kún uzaq oryssha konert, tok shoýlar, oıyn saýyq baǵdarlamalaryn úzbeı kórsetýde. Eń ókinishtisi sol, arnanyń ár jumys kúni keshke praım-taım ýaqytynda reseılik «Vestı» jańalyqtaryn berip otyratyny kóńilge kirbiń uıalatady. Ol az bolǵandaı, ár aptanyń sońynda «Vestı nedelı» aptalyq qorytyndy saraptamalyq baǵdarlamasy kórermen qaýymǵa jol tartýda. Osydan 1-2 jyl buryn Donbass separatısteriniń Ýkraınaǵa qarsy soǵysqa shaqyrǵan habary shyǵyp, besinshi arna basy úlken daýǵa qalyp, jergilikti kórermen narazylyǵyn týǵyzǵan edi.
Sonda ne, kórshi eldiń habaryn tań atqannan qas qaraıǵansha kóretindeı, Qaraǵandy Reseıdiń provınııasy ma?
Atalǵan jaıttardy kóre-bile tura, óńirimizdiń aqparat salasyna jaýapty basshylary, Qaraǵandy oblysy ákiminiń ıdeologııaǵa jaýapty orynbasary Abzal Núken, oblystyq ishki saıasat basqarmasynyń basshysy Erlan Qusaıyn myrzalar qaıda qarap otyr? Bul olardyń jumysyna úlken syn. Atam qazaq aıtady «syn túzelmeı, min túzelmeıdi» dep. Eń bastysy, árqaısymyz óz elimizde ómir súrip júrgenimizdi sezinsek boldy áleýmet.
Qazaqstan Jýrnalıster odaǵynyń múshesi.
