NOD uıymynyń ókilderi emin-erkin azamattardy óz qataryna tirkeý jumystaryna kirisipti. Elimizdiń Pavlodar, Qostanaı, Óskemen óńirinde qyzý jumysqa kiriskenderin málimdegen bul uıymnyń ókilderi «KSRO-nyń azamattyǵynan bas tartpaıtyndaryn» ashyq aıtýda dep habarlaıdy «Adyrna» ulttyq portaly Iýtýbtegi aqparat taraǵan arnaǵa silteme jasap.
«QazSSR atynan» áriptesterin quttyqtaǵan NODtyqtar bul beınejazbany tarıhı sát dep baǵalapty. Orys tilinde ózara sóılesken azamattardyń áreketinen NOD uıymynyń arnaıy ótinish hatyn toltyryp jatqanyn anyq baıqaýǵa bolady. «Úlken qadam jasadyq» dep marqaıǵandar «keńestik adamdardy biriktiretin jaıttarǵa da toqtalady».
Elimizdiń úsh aımaǵyn bul uıym músheleri beker tańdamaǵany beseneden belgili. Ózge ult ókilderi kóp shoǵyrlanǵan jáne Reseımen shektesetin aımaqtardan jumysyn bastaǵan bul uıymnyń túpki nıetin ańǵarý qıyn bolmas. Qazaqstannyń táýelsizdigin moıyndamaıtyn mynadaı uıymdar quzyrly organnyń nazaryna alynady dep senemiz.
