نود ۇيىمىنىڭ وكىلدەرى ەمىن-ەركىن ازاماتتاردى ءوز قاتارىنا تىركەۋ جۇمىستارىنا كىرىسىپتى. ەلىمىزدىڭ پاۆلودار، قوستاناي، وسكەمەن وڭىرىندە قىزۋ جۇمىسقا كىرىسكەندەرىن مالىمدەگەن بۇل ۇيىمنىڭ وكىلدەرى «كسرو-نىڭ ازاماتتىعىنان باس تارتپايتىندارىن» اشىق ايتۋدا دەپ حابارلايدى «ادىرنا» ۇلتتىق پورتالى يۋتۋبتەگى اقپارات تاراعان ارناعا سىلتەمە جاساپ.
«قازسسر اتىنان» ارىپتەستەرىن قۇتتىقتاعان نودتىقتار بۇل بەينەجازبانى تاريحي ءسات دەپ باعالاپتى. ورىس تىلىندە ءوزارا سويلەسكەن ازاماتتاردىڭ ارەكەتىنەن نود ۇيىمىنىڭ ارنايى ءوتىنىش حاتىن تولتىرىپ جاتقانىن انىق بايقاۋعا بولادى. «ۇلكەن قادام جاسادىق» دەپ مارقايعاندار «كەڭەستىك ادامداردى بىرىكتىرەتىن جايتتارعا دا توقتالادى».
ەلىمىزدىڭ ءۇش ايماعىن بۇل ۇيىم مۇشەلەرى بەكەر تاڭداماعانى بەسەنەدەن بەلگىلى. وزگە ۇلت وكىلدەرى كوپ شوعىرلانعان جانە رەسەيمەن شەكتەسەتىن ايماقتاردان جۇمىسىن باستاعان بۇل ۇيىمنىڭ تۇپكى نيەتىن اڭعارۋ قيىن بولماس. قازاقستاننىڭ تاۋەلسىزدىگىن مويىندامايتىن مىناداي ۇيىمدار قۇزىرلى ورگاننىڭ نازارىنا الىنادى دەپ سەنەمىز.
