Osydan týra 161 jyl buryn, ıaǵnı 1859 jyly 22 jeltoqsan kúni Astrahan gýbernııasynyń Nıkolsk selosynda (qazirgi Atyraý oblysy Qurmanǵazy aýdany) Alash qozǵalysynyń kórnekti qaıratkeri Baqtygereı Qulmanov dúnıe esigin ashty. Osy mereıli kúnge oraı, "Adyrna" ulttyq portaly qaıratkerdiń ómirbaıany jaıly derekter usynady.
1872-1881 jyldary Orynbor erler gımnazııasynda 9 jyl oqyp, ony alǵashqy bitirgen qazaqtardyń biri, kúmis medalmen marapattalǵan.
Jáńgir mektebin, Sankt-Peterbýrgtegi Imperator ýnıversıtetiniń Shyǵys fakýltetin támamdaǵan. 1887 jyly ǵylym kandıdaty ataǵyn alyp, kóp ýaqyt Bakýdegi túrli saılanbaly jaýapty jumystarda boldy. B.Qulmanov 1906-1907 jyldary I Memlekettik jáne II Memlekettik Dýmalarǵa Ishki orda qazaqtarynan depýtat bolyp saılanyp, musylman frakııasyn basqarǵan. 1917 jylǵy sáýirdiń 23-nen jeltoqsannyń 2-ne deıin Bókeı ordasyndaǵy ýaqytsha úkimettiń komıssary boldy.
Al 1917 jyly 5-13 jeltoqsanda ótken Jalpyqazaqtyq sezge ol arnaıy shaqyrylyp, sez prezıdýmynyń tóraǵasy bolady. Sezde Alashorda úkimetiniń músheligine saılanady. Alashorda úkimetiniń tóraǵasynyń ornyna Álıhan Bókeıhanov, A.Turlybaev pen birge B.Qulmanovtyń da túsýi de kóp jaıtty ańǵartady.
Osy sezden keıin ol eline qaıtyp, artynan súzek aýrýynan 1919 jyly Jańaqalada qaıtys bolady. Keıbir enıklopedııada jazylyp júrgendeı, ol shetel asyp ketken joq.
