Petropavldaǵy mektepke Álıhan Bókeıhan esimi berildi

3663
Adyrna.kz Telegram

Petropavl qalasyndaǵy 2019 jyly ashylǵan №25 qazaq orta mektebine Alty alash kóshbasshysy Álıhan Bókeıhannyń esimi berildi, dep habarlaıdy "Adyrna" ulttyq portaly. Bul týraly  álıhantanýshy-ǵalym, halyqaralyq jýrnalıst Sultanhan Aqqululy óziniń Facebook paraqshasynda bólisti.

 - Mektep dırektory Sáýle hanym Tursyn osy qazir ǵana súıinshi surap habarlasty. Qalalyq onomastıkalyq komıssııa búgin ǵana osyndaı qaýly qabyldapty. Oǵan qosa taǵy úsh mektepke Ahmet Baıtursynuly, Qajymuqan Muńaıtpasuly jáne Smaǵul Sádýaqasulynyń esimderi beriletin boldy. Qutty bolsyn! Uly kóshimiz keshteý de tym baıaý bolsa-daǵy osylaı túzele bastaǵan syńaıly...,- dep jazdy álıhantanýshy-ǵalym.

Aıta keteıik, Álıhan Bókeıhannyń esimin respýblıka kólemindegi mektepterge, ýnıversıtetterge berý jónindegi usynystar 2011 jyldardan bastap, jıi aıtylyp keledi. Sondaı-aq, bıyl Qaraǵandy qalasynyń Oktıabr aýdanyn Álıhan Bókeıhan esimimen ataý usynysy qoǵamdyq tyńdaýda qaraǵandylyqtar tarapynan qoldaý tapqan bolatyn.

"Adyrna" ulttyq portaly

Pikirler