Dúısenbi kúni AQSh-ta saılaýshylar alqasy daýys berip, 3 qarasha kúngi prezıdent saılaýynda Djo Baıdenniń jeńiske jetkenin rastady. Amerıka aqparat quraldary bul joly Donald Tramp saılaý kezinde "jappaı daýys burmalandy" dep málimdegendikten ádette jáı ǵana proedýra bolyp sanalatyn saılaýshylar alqasynyń daýys berý proesine qoǵam nazary erekshe aýdy dep habarlaıdy "adyrna" qlttyq portaly azattyq-qa silteme jasap.
Osyǵan deıin jarııalanǵan esep boıynsha, Baıden saılaýshylar alqasynyń 306 daýysyna ıe bolǵan. Zań boıynsha, kandıdattyń jeńýi úshin 270 daýys kerek.
Saılaýdyń resmı qorytyndysyn 6 qańtarda kongress rastaýy tıis. Kongress músheleriniń árbir shtatta daýys berý nátıjesin daýlaýǵa quqyǵy bar. Biraq kóptegen sarapshylar kongress oǵan bara qoımaıdy dep esepteıdi. Tramp jaqtastary saılaý nátıjesin daýlaýǵa tyryssa da, ókilder palatasynda demokrattar basym bolǵandyqtan kez kelgen talpynys sátsizdikke ushyraýy múmkin dep aıtylady.
Baıden ınaýgýraııasy 20 qańtarda ótedi.
Brıtandyq BBC saıtynyń jazýynsha, saılaýshylar alqasynyń arasynda burynǵy memlekettik hatshy, 2016 jylǵy prezıdent saılaýynda Donald Tramptan jeńilgen Hılları Klınton de bar. Ol Nıý-Iork shtatynan saılanǵan saılaýshylar alqasynyń múshesi.
Osyǵan deıin Hılları Klınton prezıdent jalpyhalyqtyq saılaýda daýys berý arqyly saılanýy tıis dep "saılaýshylar alqasy ınstıtýtynyń tıimsizdigin" atap ótken. 2016 jyly Klınton Tramptan 3 mıllıon artyq daýys jınasa da, saılaýshylar alqasynyń daýysy jetpeı jeńilgen edi.
