26 tamyz künı Reuters agenttıgı aty-jönın atamaudy sūraǧan bes derekközge sılteme jasap habarlaǧandai, Ukrainadaǧy soǧysty beibıt jolmen retteu jönındegı soŋǧy kelıssözder aiasynda Resei men AQŞ ükımetı ökılderı energetika salasyndaǧy bırqatar mämılelerdı de talqylaǧan. Būl kelıssözderdıŋ maqsaty – Kremldı Ukrainada bıtımge keluge yntalandyru jäne Vaşingtonnyŋ Reseige salǧan sanksiialaryn jeŋıldetuge türtkı bolu bolǧan, dep habarlaidy “Adyrna”.
Agenttıktıŋ habarlauynşa, taraptar Exxon Mobil kompaniiasynyŋ Reseidegı mūnai-gaz jobasy – «Sahalin-1» jobasyna qaita oralu mümkındıgın qarastyrǧan. Resei prezidentı Vladimir Putin osy jobanyŋ operatory qūrylymyndaǧy şeteldıkterdıŋ ülesın retteitın arnaiy jarlyqqa qol qoiǧan. Būl qūjat 15 tamyzda, iaǧni Putin men AQŞ prezidentı Donald Tramptyŋ Aliaskada kezdesken künı qabyldanǧan.
Ol kezdesu barysynda ekı el arasyndaǧy investisiia men ıskerlık yntymaqtastyq mümkındıkterı talqylanǧany habarlanǧan bolatyn.
Sondai-aq, «Arktik SPG 2» siiaqty sūiytylǧan tabiǧi gaz (SPG) jobalary üşın AQŞ-tyŋ jabdyqtaryn Reseige jetkızu mäselesı de kün tärtıbınde bolǧan. Atalǧan joba batys sanksiialarynyŋ astynda tūr.
Būdan bölek, 15 tamyzda Reuters AQŞ-tyŋ Reseiden atom mūzjarǧyştar satyp aludy josparlap otyrǧany turaly da habarlaǧan edı.
Reuters-ke pıkır bıldırgen üş derekközdıŋ mälımetınşe, joǧaryda atalǧan mäseleler AQŞ prezidentınıŋ arnaiy ökılı Stiv Uitkofftyŋ tamyz aiynyŋ basynda Mäskeuge jasaǧan sapary kezınde talqylanǧan. Ol sapar barysynda Uitkoff Vladimir Putinmen jäne Reseidıŋ tıkelei investisiialar qorynyŋ basşysy Kirill Dmitrievpen kezdesken.
Ekı derekközdıŋ aituynşa, būl taqyryptar AQŞ prezidentımen bırge Aq üide de qarastyrylǧan. Taǧy bır derek közı Putin men Tramptyŋ Aliaskadaǧy sammitı kezınde de energetika mäselesı qozǧalǧanyn aitady.
Jurnalisterdıŋ sūraǧyna jauap retınde Aq üidıŋ ökılı: «Donald Tramp pen onyŋ ūlttyq qauıpsızdık salasyndaǧy komandasy Resei jäne Ukraina şeneunıkterımen ekı el prezidentterı arasyndaǧy tıkelei kezdesudı ūiymdastyru baǧytynda jūmys ıstep jatyr. Būl kezdesu qantögıstı jäne soǧysty toqtatuǧa arnalmaq», – dep mälımdegen.
Sondai-aq, ol: «Būl taqyryptardy jariia türde talqylau ūlttyq müddege qaişy», – dep tolyqtyrdy.
Kirill Dmitrievtıŋ baspasöz hatşysy qandai da bır tüsınıkteme beruden bas tartqan.
Reuters eske salǧandai, Reseidıŋ Ukrainaǧa keŋ auqymdy basyp kıruınen keiın Batys elderı salǧan sanksiialar Mäskeudı halyqaralyq energetika naryǧynan şettettı. Resei ırı investisiialar men tehnologiialyq serıktestıkterden aiyryldy.
Exxon Mobil 2022 jyly, soǧys bastalǧan soŋ, Resei naryǧynan şyǧyp kettı. Kompaniianyŋ jobadan ketuı 4,6 milliard dollar şyǧynǧa ūşyratqan. Sol jyly Resei ükımetı Exxon Mobil-dıŋ “Sahalin-1”-degı 30 paiyz ülesın tärkılep, ony memleket menşıgıne ötkızdı.
