Qazaqstandyq shoý-bıznestiń jaryq juldyzy Nurbolat Abdýllın dosynyń toıynda tanytqan qylyǵy úshin eldiń synyna ushyrady. Óner ıesi betashar kezinde aty atalǵanda ortaǵa shyǵyp, kópshilikke bir ýys aqsha shashqan. Jelidegiler onyń bul áreketi ulttyq dástúrdi syılamaǵanyn kórsetetinin aıtýda, dep habarlaıdy "Adyrna" ulttyq portaly azatmedia.kz saıtyna silteme jasap.
Nurbolat Abdýllın dosynyń qýanyshynda erekshelenbek bolyp, asqan jomarttyq tanytty. Betashar kezinde halyqtyń ortasyna shyqqan ánshi bir ýys aqshany kókke shashyp, el nazaryn ózine aýdardy.
Shoý-bıznes juldyzynyń qatysýymen bolǵan toıdaǵy sátten úzindi Instgram jelisindegi qaz.stars paraqshasynda jarııalanǵan. Vıdeodan betashar júrgizip jatqan azamattyń Abdýllındi «mıllıon tastaıtyn kez keldi» dep shaqyrǵanyn kórýge bolady. Sáıkesinshe, ánshi barsha meımandar sekildi aldymen tabaqqa aqsha salyp, artynan taǵy bir ýysyn shashty.
Alaıda, óner ıesiniń bul qylyǵy bárine birdeı unaı qoıǵan joq. Keıbir jeli qoldanýshylary ártistiń toıdaǵy áreketine degen narazylyǵyn bildirip, ony synǵa alyp jatty.
«Dástúr degen ne bolyp jatyr? Qazir bet ashý da aqsha úshin bolyp jatqany ma?» , «Qaıran qor bolǵan ,betasharym-aı» , «Halyq ashtyqtan qyrylyp jatqanda, ótirik maqtanýdyń ne qajeti bar?» , «Ysyrap aqsha shashqan durys emes. Onyń da suraýy bar» , «Dostyq aqshamen ólshenbeý kerek» , «Betashardy, ata saltymyzdy buzbańdar» , «Ózderin múldem ersi ustaıdy. Semirip sekiredi degen osy bolar. Sózim joq» , «Salt-dástúrdi ábden mazaq etti» , – dep jazýda kópshilik.
[video width="640" height="640" mp4="https://adyrna.kz/content/uploads/2020/11/123786998_690782515156064_9205209096197997611_n.mp4"][/video]
