مازاققا اينالماعان نەڭ قالدى؟ ۆيدەو

1606

قازاقستاندىق شوۋ-بيزنەستىڭ جارىق جۇلدىزى نۇربولات ابدۋللين دوسىنىڭ تويىندا تانىتقان قىلىعى ءۇشىن ەلدىڭ سىنىنا ۇشىرادى. ونەر يەسى بەتاشار كەزىندە اتى اتالعاندا ورتاعا شىعىپ، كوپشىلىككە ءبىر ۋىس اقشا شاشقان. جەلىدەگىلەر ونىڭ بۇل ارەكەتى ۇلتتىق ءداستۇردى سىيلاماعانىن كورسەتەتىنىن ايتۋدا، دەپ حابارلايدى "ادىرنا"  ۇلتتىق پورتالى azatmedia.kz  سايتىنا سىلتەمە جاساپ.

نۇربولات ابدۋللين دوسىنىڭ قۋانىشىندا ەرەكشەلەنبەك بولىپ، اسقان جومارتتىق تانىتتى. بەتاشار كەزىندە حالىقتىڭ ورتاسىنا شىققان ءانشى ءبىر ۋىس اقشانى كوككە شاشىپ، ەل نازارىن وزىنە اۋداردى.

شوۋ-بيزنەس جۇلدىزىنىڭ قاتىسۋىمەن بولعان تويداعى ساتتەن ءۇزىندى Instgram جەلىسىندەگى qaz.stars پاراقشاسىندا جاريالانعان. ۆيدەودان بەتاشار جۇرگىزىپ جاتقان ازاماتتىڭ ءابدۋلليندى «ميلليون تاستايتىن كەز كەلدى» دەپ شاقىرعانىن كورۋگە بولادى. سايكەسىنشە، ءانشى بارشا مەيماندار سەكىلدى الدىمەن تاباققا اقشا سالىپ، ارتىنان تاعى ءبىر ۋىسىن شاشتى.

الايدا، ونەر يەسىنىڭ بۇل قىلىعى بارىنە بىردەي ۇناي قويعان جوق. كەيبىر جەلى قولدانۋشىلارى ءارتىستىڭ تويداعى ارەكەتىنە دەگەن نارازىلىعىن ءبىلدىرىپ، ونى سىنعا الىپ جاتتى.

«ءداستۇر دەگەن نە بولىپ جاتىر؟ قازىر بەت اشۋ دا اقشا ءۇشىن بولىپ جاتقانى ما؟» ، «قايران قور بولعان ،بەتاشارىم-اي» ، «حالىق اشتىقتان قىرىلىپ جاتقاندا، وتىرىك ماقتانۋدىڭ نە قاجەتى بار؟» ، «ىسىراپ اقشا شاشقان دۇرىس ەمەس. ونىڭ دا سۇراۋى بار» ، «دوستىق اقشامەن ولشەنبەۋ كەرەك» ، «بەتاشاردى، اتا سالتىمىزدى بۇزباڭدار» ، «وزدەرىن مۇلدەم ەرسى ۇستايدى. سەمىرىپ سەكىرەدى دەگەن وسى بولار. ءسوزىم جوق» ، «سالت-ءداستۇردى ابدەن مازاق ەتتى» ، – دەپ جازۋدا كوپشىلىك.

[video width="640" height="640" mp4="https://adyrna.kz/content/uploads/2020/11/123786998_690782515156064_9205209096197997611_n.mp4"][/video]

پىكىرلەر
رەداكتسيا تاڭداۋى