Bügınde sifrlandyru ekonomika damuynyŋ negızgı trendterınıŋ bırıne ainalyp otyr. Sifrlyq tehnologiialardy damytu bükıl Euraziialyq ekonomikalyq keŋıstıktıŋ basymdyǧy deuge de bolady.
Qazaqstanda tehnologiialardyŋ qarqyndy ösuınıŋ jäne qyzmetter körsetudıŋ elektrondyq formatyna qaita baǧdarlanuynyŋ negızgı tetıgı bolatyn "Sifrlyq Qazaqstan" baǧdarlamasy äzırlengendıgı belgılı.
Tūjyrymdamany äzırleuşıler atap ötkendei, "Sifrlyq Qazaqstan" memlekettık baǧdarlamasynyŋ maqsattary ekonomikanyŋ damu qarqynyn jedeldetu jäne orta merzımdı perspektivada sifrlyq tehnologiialardy paidalanu esebınen halyqtyŋ ömır süru sapasyn jaqsartu, sondai-aq ekonomikanyŋ ūzaq merzımdı perspektivada bolaşaqtyŋ sifrlyq ekonomikasyn qūrudy qamtamasyz etetın tübegeilı jaŋa damu traektoriiasyna köşuı üşın jaǧdai jasau bolyp otyr.
Atalǧan baǧdarlamada damudyŋ ekı baǧyty boiynşa qozǧalys boljanuda: alǧaşqysy - qoldanystaǧy ekonomikany sifrlandyru, iaǧni naqty sektordaǧy naqty jobalardan tūratyn pragmatikalyq startty qamtamasyz etu, ekonomikanyŋ qoldanystaǧy salalaryn, memlekettık qūrylymdardy sifrlandyru jäne tehnologiialyq qaita jaraqtandyru jönındegı jobalardy ıske qosu jäne sifrlyq infraqūrylymdy damytu.
Ekınşı baǧyty - bolaşaqtyŋ sifrlyq industriiasyn qūru - ūzaq merzımdı ornyqtylyqty qamtamasyz etu, adami kapitaldyŋ damu deŋgeiın arttyru, innovasiialyq damu instituttaryn qūru jäne tūtastai alǧanda sifrlyq ekojüienı progressivtı damytu esebınen eldıŋ sifrlyq transformasiiasyn ıske qosu.
Būl tūjyrymdamanyŋ negızınde bes negızgı baǧyt bar, bırınşısı- ekonomika salalaryn sifrlandyru, iaǧni – eŋbek önımdılıgın arttyratyn jäne kapitaldandyrudyŋ ösuıne äkeletın serpındı tehnologiialar men mümkındıkterdı paidalana otyryp, ekonomikanyŋ dästürlı salalaryn qaita qūru.
Ekınşısı - elektrondyq qyzmetterdı damytu baǧyty.
Üşınşısı - sifrlyq memleketke köşu, halyqqa jäne bizneske qyzmetter körsetudıŋ infraqūrylymy retınde memlekettıŋ funksiialaryn onyŋ qajettılıkterın aldyn ala boljai otyryp, qaita qūru baǧyty.
Törtınşısı - sifrlyq Jıbek jolyn ıske asyru - iaǧni derekterdı ūsynu, saqtau jäne öŋdeudıŋ joǧary jyldamdyqty jäne qorǧalǧan infraqūrylymyn damytu.
Besınşısı - adami kapitaldy damytu – jaŋa bolmysqa - bılım ekonomikasyna köşudı qamtamasyz etu üşın kreativtı qoǧam dep atalatyn qoǧamdy qūrudy qamtityn qaita qūru baǧyty.
Baǧdarlamany ıske asyru respublikalyq biudjet qarajatynan 141 mlrd teŋge kölemınde qarjylandyrudy tartudy közdep otyr. Sondai-aq, kvazimemlekettık sektor subektılerınıŋ 169 mlrd teŋgeden astam qarajatyn tartu kütılude.
Baǧdarlamanyŋ benefisiary bükıl halyq, biznes jäne memlekettık organdar bolady, öitkenı ol tynys – tırşılıktıŋ barlyq salalaryna äser etpei qoimaidy. 2022 jylǧa qarai sifrlandyru esebınen 300 myŋ jūmys orny qūrylady dep boljanuda.
Memlekettık baǧdarlama avtorlary qazırgı zamanǧy qoljetımdı telekommunikasiialyq infraqūrylymsyz Qazaqstandy älemdık ekonomikalyq jäne aqparattyq keŋıstıkte ornyqtyru mümkın emestıgın aitqan edı. Aqparattyq-kommunikasiialyq tehnologiialarǧa qoljetımdılık sifrlyq ekonomikany qūrudyŋ negızı bolyp tabylady.
Halyq pen biznestı jelıge tolyq qoljetımdılıkpen qamtamasyz etu üşın qalalar men oblystarda telekommunikasiialyq infraqūrylym qūryldy; alaida, bügıngı künı ol auyl tūrǧyndarynyŋ qajettılıkterın qanaǧattandyrmai otyrǧandyǧy jasyryn emes. Sifrlyq teŋsızdıktı tömendetu maqsatynda auyldyq eldı mekenderdı keŋ jolaqty qoljetımdılık jelılerımen neǧūrlym sapaly jäne jan-jaqty qamtamasyz etu qajet.
Halyqaralyq sarapşylardyŋ baǧalauy boiynşa, 2007 jyldan bastap 2011 jylǧa deiıngı Düniejüzılık ekonomikalyq daǧdarysta, basqa salalarda toqyrau bolǧan kezde, ekonomikalyq damu jäne Yntymaqtastyq Ūiymy elderındegı aqparattyq-kommunikasiialyq tehnologiialar salasyndaǧy jūmys oryndarynyŋ sany älemdık ekonomikaǧa üles qosa otyryp ösken bolatyn
Sifrlandyru salasynyŋ erekşelıgı - aqparattyq-kommunikasiialyq tehnologiialar ūlttyq ekonomikanyŋ basqa salalary üşın nätijelerge jäne oŋ ekonomikalyq körsetkışterge qol jetkızuge öz ülesın qosa otyryp, qazırgı zamanǧy biznestıŋ maŋyzdy bölıgın qūrap otyr. Ekınşı jaǧynan, aqparattyq tehnologiialardy engızu kiberqauıpsızdıktı qamtamasyz etu boiynşa tiımdı şaralar qabyldaudy talap etedı.
Sifrlandyru barlyq sektorlarǧa yqpal ete otyryp, şikızattyq emes salalardyŋ äleuetın ärtaraptandyru jäne aşu, startap - belsendılıktı yntalandyru jäne jaŋa salalardy aşu arqyly tūtastai alǧanda Qazaqstan ekonomikasy qūrylymynyŋ özgeruıne alyp keledı.
«Adyrna» ūlttyq portaly
