Soŋǧy uaqytta Qazaqstannan tübegeilı ketuge bel buǧandar köbeimese, azaimai otyr. Onyŋ salmaqty sebepterı de joq emes. Osyǧan deiın bilıktıŋ statmälımetı «elden ketıp jatqandar özge ūlt ökılderı» dep jūrtty aldausyratyp kelgenı belgılı. Al qazır kün saiyn elden ketemın dep tas tüiın daiyndalǧan qazaqtyŋ qarasy köbeidı.
Taiauda elımızde tanymal jurnalist, öjet,eŋbekqor, qaisar qyzdarymyzdyŋ bırı Näziia JOIаMERGEN özınıŋ Facebook paraqşasynda Qazaqstannan ketpekke bel buǧany turaly jazdy. «Es bılgelı berı elımdı, ūltymdy jaqsy körıp kelem. Qazır qolymnan kelgenşe damytuǧa üles qosyp jürmın. Bıraq Qazaqstandaǧy jemqorlyq, zaŋsyzdyq, azamattardy qorlau äzır joĭylmaĭtynyn tüsındım. Būl bır künde kelgen tūjyrym emes. Köp oĭlandym. Joǧary men tömen tügel belşeden batqan jemqorlyqqa. Mektepte pol juu üşın de para beruıŋ kerek. Memleket türlı salyq, aiyppūl arqyly azamattardy tonauǧa qūnyqqan. Biznespen aĭnalysu mümkın emes. Kedergılerdı köbeĭtıp tastaǧan. Basynda üĭı joq, bar tapqanyn kvartira men kreditke tölep jürgender qanşama!
Qarapaĭym qyzmetkerlıkten basşyǧa deĭın ösu mümkın emes. Äke-köke, jerles, rulas, bırge oqyǧan klastas, kurstasyŋ ne arsyz jaǧympaz boluyŋ kerek. Türlı joǧary lauazymda zeinetker jasyna jetse de, kreslodan airylmai otyrǧan şal-kempırler köp. Qoldarynan boq kelmese de, otyr jabysyp. Al aqyldy da bılımdı altyndai jastar jūmyssyz jür ne şet elderge ketıp jatyr. Aĭlyq az. Baǧa qymbat. Auyra qalsaŋ, auruhana men emhanalardyŋ özınde bılımdı därıgerler joqtyŋ qasy. Emdelu üşın därı aluǧa da aqşa jetpeĭdı. Türlı aurudyŋ asqynyp ketkenı sondyqtan. Qazaqstan onkologiialyq aurular men tuberkulezdan aldyŋǧy orynda tūr. Būl kedeĭ elderdıŋ auruy. Nege? Öĭtkenı bızde sıŋırı şyqqan kedeĭler köp. Eldıŋ Jer astyndaǧy jäne üstındegı baĭlyqtaryn jemqorlar bölıp alyp jatyr. Solar şylqyǧan baĭ bop otyr. Men nege şydauym kerek?
Şet elge otbasymmen bırge ketem degenım sol. Otyz jylda oŋbaǧan el endı otyz jylda jaqsarady deĭ almaĭmyn. Tūlǧa, azamat retınde, adam retınde baǧalanbaĭtyn eldemız bız. Adamnyŋ qadırı joq» dep jazǧan jurnalist: «30 jyl jemqorlyq äbden ırıp-şırıtken Qazaqstannan ümıtım üzıldı. 4 balamnyŋ ömırın qor qylmaimyn mūndai sorly elge. Şet memleketterge jıberem. Şekara syrtynda baqytty bolsyn!» deidı.
«Maǧan basu ne aqyl aitudyŋ qajetı joq. Ekı ūl, ekı qyzymdy şet el asyramyn bılım aluǧa. Sosyn sol jaqtyŋ azamattyǧyn qabyldaŋdar deimın. Qazaqstanǧa mülde qaityp kelmese de köŋılım baiaǧydai. Myna ätäŋälet virus basylsyn. Qojaiyndy köndırıp, şet elge ketem özım de. Balalyq şaǧym men jastyq şaǧym jemqorlarǧa qor boldy. Qarttyq şaǧym laiyqty ötsın tym bolmasa. Patriottyq, Tuǧan jer, qyrt-syrttardyŋ jetpıs jetı atasynnnn tappp... Ketem. Otyz jyl eldı ırıtıp-şırıtkender däl özderı siiaqty maldardy tärbielep jatyr ornyn bassyn dep. Qartaiǧanda solarmen alysar jaiym joq. Şarşadym. Jemqorlyqtan, jaǧympazdyqtan, ädıletsızdıkten... Balalarym da men siiaqty qinalmasa eken deimın».
Bır qyzyǧy, osydan bırer jyl būryn äldekım osyndai jazba qaldyra qalsa, köpşılık «Özge elde sūltan bolǧanşa, öz elıŋde ūltan bol» degendı alǧa tartyp, qarsy pıkır qarşa boraityn. Ökınışke qarai deimız be, basqalai deimız be, jurnalist Näziianyŋ jazbasyna bailanysty jazylǧan pıkırler auany şynaiy Qazaqstannyŋ qazırgı kelbetın aşa tüskendei. Pıkır jazǧandar da feik nemese äldekımder emes, el ışınde tanymal azamattar ekenın eskersek, eldıŋ erteŋı būlyŋǧyr ekenın moiyndai tüsesız.
Asylbek Näsıpqaliūly Baiǧaziev
Bırde Dulat İsabekovtıŋ Nūrtıleuge bergen sūhbatyn kördım. Sonda dramaturg "jalaŋ patriotizm" qalyptasty qoǧamda degenı bar edı. Iаǧni, tuǧan jerdı ötırık süiem, ystyq taǧysyn taǧy osy siiaqty sözderdıŋ äşeiın söz bolyp, naǧyz patriottyqtyŋ ülgısı qalys qalyp bara jatqandyǧyn tılge tiek etkendı. Sızdıŋ de myna jazbaŋyz, sol "jalaŋ patriotizmnen" şyǧudyŋ ülgısı lep qabyldadym. Nege?! Mūndai memlekette elım degenşe, şet elde jürıp elın tanytsa, qazaqylyqty nasihattasa ol naǧyz patriottyŋ ıs äreketı bolmaq! Bolaşaqta ülken özgerıs bolary haq...
Aŋsaǧan Mūstafa
Uelkom) baldarym aǧylşyn oqyp jatyr, mama my tebia v derme ne ostavim dep jür...
Kamşat Tasbolat
Alla jar bolsyn! Bıraq keide mūndai oi bızge de keledı, jemqorlyq, adamnyŋ aqysyn jeu, ädıletsızdıkpen küres öte qiyn... Qūdaiǧa tapsyrdym. Bastysy, bas aman bolsyn, ūrpaǧymyz aman bolsyn!
Baian Bolathanova
Tüŋılıp jürgender sany jeterlık, menıŋ de jüikem äbden jūqarǧan... Būlai jalǧasa bergenıne köne bersek, kım bolǧanymyz?! Eşkımge eşteŋe kerek emes eken, el aldynda ädemı söileitın qamqor aǧalarymyzdyŋ da būl mäselenı şeşuge bastaryn auyrtpaityny belgılı ǧoi aitpasaq ta(((
Halima Täjıqūl
Bız jıberdık, ekeuı de şeteldegı univerde.
Lyazzat Nigmet
Dūrys! Men de qyzyǧam. Būiyrtsa äreket etu kerek.
Altai Şombal
Kanadaǧa ketkım kelıp jür....
Nurgul Maulina
Dūrys aitasyz!
Aidyn Oljaev
Ketu kerek, ras. Balalarymyzdyŋ bolaşaǧyn būlar satyp jıbergen boluy da mümkın. Qor bolǧan, aldanǧan, ūrlanǧan ömırımız-ai
Baǧdat Müptekeqyzy
Adam qorqatyn, jüregı auyratyn äŋgımeler eken!..
Baian Bolathanova
Dūrys! Äsırese, qazaq tıldı , kökesı joq maman altyn basty bolsa da laiyqty ornyn tabuy, elge öz qabılet, qarymyn mümkındıgınşe paidalanyp, qyzmet etuı ekı talai! Kölgır jaǧympazdarǧa ǧana jasyl jaryq janyp tūr.
Inci-Meruert Kenesbekkyzy
qoldaimyn! Men de osyny oilap jürmın.
Kemal Haci
Selem Neziya İstanbul Zeytinburnjn da Kazakistan kelip Türkiye köşüpkelgen Kazakıstandıklar songu kezdeti köbeyd Söylesken kilerde diz aytgan engimeni aytp jürleri
Gulbahyt Aripbaeva
Dūrys demeske, laj joq bop tūr ǧoi.....
İndira Kodekova
bärımız solai şeşıp otyrmyz.
Gulbahyt Aripbaeva
Ūrpaqtyŋ bolaşaǧy üşın kerek.
Şolpan Mambetaeva
Bolaşaǧymyz būlyŋǧyr... Sız myqty jurnalistsız. Kez-kelgen elde öz qyzmetıŋızdı abyroily atqara alasyz. Sättılık ärdaiym serık bolsyn!
Aliia Ahmetova
Qos qoldap qoldaimyn. Öte dūrys. Men de dəl sızdei oilap jürmın osy künı. Balalarymnyŋ bolaşaǧy üşın ketu kerek!
Saǧymbala Süleimenova
Bır adamǧa şamasy jetpegen on segız million adamǧa qūdaidyŋ qūdıretımen batyr jürektı, adal tılektı, halqyna şyn jany aşityn bıreu kelıp qalar dep özımızdı özımız aldap, jetpıstıŋ jetegınde tūrǧan men siiaqtylardyŋ köleŋke-künderı osy jaqta ötetın siiaqty ǧoi. Bärın estıp, köruşı, qūdıretı şeksız Alladan qoldau bolyp qala ma, kım bılsın...
Erkin Şakiruly
Qoldaimyn!
Ädıl Jabyqbai
Men bylai oilaǧanmyn ǧoi, karantinnyŋ bırınşı tolqynynda qazaqtar baudai qyryldy. Osydan keiın Ükımet täjıribe-sabaq qorytyp, endı ǧylymǧa, bılımge, medisinaǧa köŋıl böledı, öndırıs oşaqtaryn aşyp, jeke käsıkerlıktı damytyp, halyqtyŋ tamyryna qan jügırtetın naqty şaralardy qarastyratyn şyǧar dep oilap jürıppın. Söitsem, oilaǧan oilarymnyŋ kül-talqany şyqty, kerısınşe, eldı orta ǧasyryq däuırge şegındıretın tälımgerler halyqqa älhissa-ertek aita bastapty. Qūdai saqtasyn, ekınşı tolqyn kelse, bızdı tälımgerler qūtqara ma sonda?! Qalǧan jaǧyn özderıŋız tüsıne berıŋızder...
Sandugaş Baigazakova
İä, qainaidy qanym, aşidy janym dep Ūly Abai dūrys aityp ketken. Mümkındık bolsa mende keter em.
Ǧalymjan Orazymbet
Sättı qadam bolsyn! Qoldaimyn
Akbılek Mynbaeva
Qoldaimyn
Alua Kolşi
Ärine, esı bar ar adamnyn oilaityn oiyn döp bastyŋ Näziia! Sendei jıgerlı, keleşegı mol talantty jurnalist dūrys elde ömır süru kerek!
Alua Kolşi
Qazaqstannyŋ bolaşaǧy ertegıge ainalǧaly qaşan???
Guljihan Abdygalieva
Koldaimyn...
Dina Elgezek
Bız de ketkelı jürmız
P.S Qarap otyrsaŋyzdar, Qazaqstannan eşkım erıkkennen,ne bolmasa, aqşasy tasyǧannan ketudı josparlamaidy. Eşkım özınıŋ būl elde körgen qorlyǧyn balasynyŋ, nemeresınıŋ körgenın qalamaidy. Bärı de balasynyŋ erteŋın bügın oilap otyr. Eger Qazaqstanda balasynyŋ bolaşaǧy üşın jylt etken bır ümıt bolsa, eşkım de tuǧan topyraǧyn tärk etpesı anyq. Ülken ökınışke qarai, qoǧamda qozǧala bastaǧan būl jaǧdaiǧa bilık tarapynan tiıstı qadamdar jasalar emes. Bälkım, şeneunıkterdıŋ de köp närsenı ışı sezıp otyrǧan bolar, kım bılsın. Qalai desek te, eger qazırgıdei elden ketem degenderdıŋ sany arta berse, taiau on jyldyqta Qazaqstanda kımder qalatynyn oilaudyŋ özı qorqynyşty.
Meruert HUSAİNOVA,
«Adyrna» ūlttyq portaly.
Foto aşyq derekközden alyndy.
Ūqsas jaŋalyqtar
