28 jastaǵy áıel 10 jyl ishinde alǵash ret ulyn kórdi. Alaıda onlaın kezdesýden keıin birneshe kún ótken soń qaıtys bolǵan, dep habarlaıdy “Adyrna” ulttyq portaly sheteldik BAQ-qa silteme jasap.
Ulybrıtanııa turǵyny Laýra Andreoııý balasyn 10 jyl boıy kórmegen. 11 jasar bala Ispanııada týystarynda turǵan. Ol anasyn sońǵy ret bir jasynda kórdi. Otbasylyq jaǵdaıǵa baılanysty keıin ekeýi kórispegen, dep jazady Nottingham Post.
Kópten kútken kezdesý onlaın rejıminde ótti. Týystary bala anasyna uqsaıtynyn aıtqan. Olar mundaı kezdesýdi ádetke aınaldyramyz dep sheshti. Degenmen 4 kúnnen soń tragedııa boldy.
“Áıeldi es-tússiz kúıde tanysy tapty. Ol úıine barǵanda Laýra jerde jatqan, er adam jedel járdem shaqyrdy. Alaıda áıel eki kúnnen soń qaıtys boldy. Onyń baýyry men búıregi aýyrǵan", dep jazady BAQ.
Laýranyń anasynyń aıtýynsha, bul habardy balaǵa jetkizý eń qıyny bolǵan. Ol ózin ekinshi ret anasynan aıyrylǵandaı sezindi.
