“Shekaradan tez óttik”: Reseı azamaty kıno kórý úshin Qazaqstanǵa kelgen

1145
Foto: ashyq derekkózden
Foto: ashyq derekkózden

Reseılik er adam Reseıde prokatqa shyqpaǵan "Doktor Strendj: v mýltıvselennoı bezýmııa" fılminiń premerasyn kórý úshin avtokólikpen Pavlodarǵa barǵan.  Bul týraly  "Tınkoff jýrnalyna” aıtty, dep habarlaıdy “Adyrna” ulttyq portaly.

"Men kıno kórgendi jaqsy kóremin jáne ózime unaıtyn fılmderdiń premerasyn jiberip alǵym kelmeıdi. Sondyqtan, "Strendjdiń" premerasyn úlken ekranda, jaqsy sapada kórgim kelip mamyr merekelerinde Novosıbırsk arqyly Pavlodarǵa jolǵa shyqtym. Novosıbırski men Pavlodardyń arasy jaqyn, shamamen 580 shaqyrym", - dedi Dmıtrıı Býtyrın.

Ol dosymen birge 6 mamyrda jolǵa daıyndalar aldynda koronavırýsqa PTR synamasyn tapsyryp, 8 mamyrda avtokólikpen jolǵa shyqqan. Reseılik azamattar Pavlodarǵa deıin janar-jaǵarmaı quıý beketin qosa alǵanda  4600 rýbl nemese 30 600 teńge jumsaǵan.

"Shekaraǵa deıingi jol bes saǵatqa sozyldy, bul baǵyttaǵy jol sapasy nashar. Shekaradan ótý qıyn bolar degen edim, tez óttik. Bar joǵy 30-40 mınýt ýaqyt ketti", - dedi ol.

Shekaradan kirgen boıda kóligin saqtandyrýdy resimdegen. 15 táýlikke eń tómengi tarıf oǵan 12 363 teńgege shyqqan.  Sondaı-aq, onyń aıtýynsha, Qazaqstanda jyldamdyq rejımin buzǵany úshin qoldanatyn jaza áldeqaıda qatal.

Reseılik Qazaqstanda azyq-túlik baǵasy tómen ekenin aıtyp tańǵaldy. Reseımen salystyrǵanda bir jarym-eki ese tómen ekenin aıtady.

Fılmge kirý 2200 teńge nemese 327 rýbl bolǵan, tipti stýdent retinde jeńildik alǵan. Popkorn 1900 teńge nemese 282 rýbl shyqqan.

"Zal jaqsy jabdyqtalǵan, biraq adam tolmady. Fılm premerasy keremet ótti", - dep bólisti Dmıtrıı Býtyrın.

Reseılikter Qazaqstandaǵy saparyna 12 821 rýbl nemese 82 myń teńge jumsaǵan. Aıtýlarynsha, eń kóp aqsha benzın men avtokólikti saqtandyrýǵa ketken.

Adyrna” ulttyq portaly.

Pikirler
Uqsas jańalyqtar