Qazirgi tańda búkil álem kún sanap ıfrlandyrý álemine enip barady. Dıdjıtılızaııa da qoǵamdyq qatynasty ózgertip jatqany haq. Jaqynda Shymkentte jańa sandyq tehnologııanyń sátti damyp kele jatqany týraly Shymkent qalasynyń ákiminiń birinshi orynbasary Shyńǵys Muqan óziniń feısbýk paraqshasynda málimdedi. Naqty aıtqanda, qalanyń qoǵamdyq kólikterinde jańadan «Tólem» atty tólem júıesi iske qosylypty.
Shymkent qalasynyń ákiminiń birinshi orynbasary Shyńǵys Muqannyń aıtýynsha, bul jańa júıe arqyly jolaýshylar aǵynynyń statıstıkalyq esebin júrgizýge jáne naqty derekter arqyly áleýmettik máni bar marshrýtardy sýbsıdııalaýǵa múmkindik týady.
Qoǵamdyq kólikte jol júrý tólemaqysyn tóleý úshin kólik kartalarynyń 4 túri qarastyrylǵan. Olar: standarttyq (jalpy paıdalanýǵa), mektep oqýshylarynyń, stýdenttik jáne jeńildetilgen kartalar. Jolaýshylar kólik kartasymen, SMS, QR-kod, smartfondy (NFC) qoldana otyryp jol júrý aqysyn tóleı alady. 1 qarashadan bastap kólik kartalary arqyly qolma-qol tóleý kezinde qazirgi qoldanatyn tarıfpen 70 teńge tóleıdi, al qolma-qol aqshamen tóleý kezinde tarıf 100 teńge bolady. Kólik kartasynyń baǵasy 500 teńge, bir ret tegin jol júrý aqysy beriledi. 14 myń kólik kartasy Uly Otan Soǵysy ardagerleri men múgedekterine, tyl eńbekkerlerine (Eren eńbegi úshin medalimen marapattalǵandar) Batyr ana, Altyn alqa, Kúmis alqa tós belgi ıelerine jáne I-toptaǵy kórý qabileti nashar zaǵıp jandarǵa tegin taratylady.
Jeńildikpen júretin azamattarǵa kartalardy tegin taratý maqsatynda Shymkent qalasynyń áleýmettik qorǵaý jáne jumyspen qamtý basqarmasy men qaladaǵy barlyq halyqqa qyzmet kórsetý ortalyqtarynan arnaıy oryndar uıymdastyrylǵan. Atalǵan oryndarda jeńildik kartany alý úshin azamattardan qajetti málimetter qabyldanyp, bazaǵa engiziledi. Búgingi tańda ınvestor tarapynan kólik kompanııalarymen shart jasalyp, avtobýstarǵa valıdatorlar ornatyldy.
Sonymen qatar, smartfon paıdalanýshylaryna arnalǵan «Open Shymkent» mobıldik qosymsha ázirlengen, aıtylǵan qosymsha arqyly qoldanýshy óziniń kartasynyń teńgerimin teksere alady. Sondaı-aq, teńgerimin toltyrýmen qatar jol júrý tarıhyn da kórýine bolady.
Odan ózge qala turǵyndary «Open Shymkent» qosymshasy arqyly basqa da qalalyq ákimdikpen kórsetiletin qyzmet túrlerin ala alady. Turǵyndarǵa anyqtamalyq retinde 8 775 811 2222 biryńǵaı baılanys CALL-ortalyǵy iske qosylǵan. Aıta ketý kerek, «TÓLEM» kartalaryn qaladaǵy saýda úılerinen alýǵa bolady.
Daıyndaǵan: D. Arǵyngeldi
Derekkóz: málimetter Shyńǵys Muqannyń feısbýk paraqshasynan alyndy.
