Búgin aqparattyq-kommýnıkaııalyq ortalyǵynda Shymkent qalalyq Densaýlyq saqtaý basqarmasy basshysynyń mindetin atqarýshysy B.Pozılov jáne Densaýlyq saqtaý basqarmasy ókilderiniń qatysýymen qaladaǵy epıdemıologııalyq ahýal tóńireginde brıfıng ótti.
Baspasóz májilisinde Baqytjan Joldasbekuly, eń aldymen, epıdemıologııalyq jaǵdaı kezindegi úılestirý toptarynyń jumysyna toqtaldy.
– Úılestirý toptary yqtımaldy ekinshi tolqyn kezinde sıtýaııalyq shtatta otyryp, árqaısysy óz salasy boıynsha jumystaryn atqarady. Máselen, olar jedel járdem qyzmetteri, kúndizgi staıonarlar men provızorly oryndar jáne qurylǵylar barysyn, jalpy, epıdemıologııalyq jaǵdaıdy baqylaıdy ári oǵan jaýap beredi. Bul jumysymyzdyń sapasyn arttyrady, oǵan qosa qalyptasqan ahýaldy edáýir jeńildetedi. Osy rette úılestirý tobyna qurylǵylardyń jumys sapasyn arttyrý maqsatynda bas rentgenolog jáne kompıýterlik tomografııa men rentgen apparattaryna jaýap beretin tehnıka mamandaryn qostyq, – dedi B.Pozılov.
Baqytjan Joldasbekulynyń aıtýynsha, yqtımaldy ekinshi tolqyn kezinde provızorly jáne ınfekııalyq staıonarlardyń jumysyn ázirleý maqsatynda arnaıy 3 senarıı túzilgen. Olar – turaqty, qolaısyz jáne jaǵdaı órshigen kez. Bul josparlar («A», «B» «S») barysynda bir-birine aýysý sátin úsh saǵattyń ishinde júzege asyrý jolǵa qoıylǵan.
Brıfıngte belgili bolǵandaı, qalada koronavırýs juqtyrǵan naýqastardy qabyldaıtyn 13 dıagnostıkalyq ortalyq uıymdastyrylǵan. Onda 17 KT jáne 30 rentgen apparaty bar. Sonymen birge 6 PTR zerthanasy bar, onyń 2-eýi jańadan ashylǵan, táýligine 2 500 test qabyldaıdy. Sondaı-aq, materıaldyq-tehnıkalyq jabdyqtaý boıynsha qosymsha 282 IVL apparaty alynyp, jalpy sany 612 birlikke jetken. Odan bólek, jańa 3 ottegi stanııasy men 9 suıyq ottegi rezervýary qondyrylǵan. Al jedel járdem boıynsha jańa call-center iske qosylǵan jáne shaqyrýdy qabyldaý lınııasy 9-dan 28-ge ósip, operatorlar sany úsh esege artqan. Sonymen qatar, medıına uıymdarynyń ózara áreket algorıtmi pysyqtalyp, naýqastardy kategorııalarǵa bólýdi úılestirý úshin 3 ret oqý-jattyǵý ótkizilgen.
Aıta keteıik, búginde qalada epıdemıologııalyq ahýal turaqty. Qala boıynsha KVI juqtyrýdyń jalpy 5 209 jaǵdaıy tirkelip, onyń ishinde 5 129 naýqas dertinen saýyqqan. Al JRVI boıynsha qazirgi ýaqytqa deıin 126 635 adamǵa vakına salynǵan. Bul kórsetkishti 128 myńnan asyrý kózdelip, 15 qarashaǵa deıin júz paıyz oryndaý josparǵa qoıylǵan.
Shymkent qalasynyń Aqparattyq-kommýnıkaııalyq ortalyǵy
Foto – Bereke Seıitjappar
