Qazirgi tańda belden shyqqan perzentine kómek berýden qashyp, alıment tólemeı júrgen bezbúırek ákelerdiń qarasy kún sanap artyp keledi. Týǵan balasyn nesibesinen aıyrǵan erlerdiń bul áreketi talaı ananyń júıkesin juqartyp jatqany shyndyq. Statıstıkalyq málimetterge súıenetin bolsaq, elimizde alıment tólemegen boryshkerlerdiń qaryzy 6 mıllıard teńgeden asqan.
Sot oryndaýshylarynyń aıtýynsha, «kókek ákelerden» alıment óndirip alý qıynǵa soǵady. «Keıbir azamattar alıment tólemeý úshin jumys ornyn, tabysyn jáne turǵylyqty meken-jaılaryn jasyrý arqyly jaltaryp otyr. Zańdaǵy qarama-qaıshylyqtarǵa baılanysty olar qylmystyq jaýapqa tartylmaı keledi»,- deıdi zań qyzmetkerleri.
Kóptegen elderde boryshkerlerge qatań jaza túrleri qoldanylady. Mysaly, Qytaı alıment tólemeıtin er adamdardy atý jazasyna kesse, AQSh olardy 2 jylǵa deıin bas bostandyǵynan aıyrady. Sondaı-aq, Franııa, Italııa, Ázirbaıjan syndy elderde de zańǵa baǵynbaǵan ákelerdi túrmege toǵytý qarastyrylǵan. Kanada memleketinde boryshkerlerdiń sýreti saıttarda jarııalanady. Osy oraıda bizdiń elimizdiń zańy bezbúırek ata-anaǵa áldeqaıda meıirimmen qaraı ma degen oıǵa kelesiń.
Zańger-medıator Aıjan KESEBAI «Adyrna» tilshisine bergen suhbatynda alıment óndirý azamattyq is retinde qaralatynyn atap ótti.
«Alıment óndirý azamattyq is retinde qaralady. Ókinishke qaraı, oǵan eshqandaı qylmystyq jaýapkershilik qoldanylmaıdy. Belgilengennen somma tólenbegen jaǵdaıda, zań boryshkerdiń múlkin tárkilep, shetelge shyǵýyna tyıym sala alady»,-dedi ol.
Erli-zaıyptylar ózara alıment tóleý týraly kelisimge otyra alady
–QR «Neke jáne otbasy» Kodeksiniń 138-babynda ata-analardyń kámeletke tolmaǵan balalardy kútip-baǵý jónindegi mindetteri kórsetilgen. Erli-zaıyptylar ózara alıment tóleý týraly kelisimge otyra alady, al ol bolmaǵan jaǵdaıda sot kámeletke tolmaǵan balalarǵa olardyń ata-analarynan alımentti aı saıyn bir balaǵa - ata-anasy tabysynyń jáne ózge de kirisiniń - tórtten bir bóligin; eki balaǵa - úshten bir bóligin; úsh jáne odan da kóp balaǵa teń jartysyn óndirip alady.
Boryshker jumyssyz bolsa da, alıment tóleýge mindetti
–Elimizde burynǵy kúıeýinen qajetti sommany óndire almaı júrgen analar óte kóp. Boryshker jumyssyz bolsa da, alıment tóleýge mindetti. Bul jaǵdaıda tólem er azamat turatyn qalanyń ortasha aılyq jalaqy kólemine baılanysty esepteledi.
Sot oryndaýshy mardymdy jumys atqarmaǵan jaǵdaıda, onyń ústinen aryz jaza alasyz
–«Alıment óndirip alý jónindegi ispen sot oryndaýshylary aınalysady. Alaıda olardyń bul jumysty atqarǵannan alatyn paıyzy óte az. Sol sebepti qyzmetkerlerdiń istegen jumysy kóp jaǵdaıda nátıjesiz bop jatady. Qyz-kelinshekterdiń kópshiligi «onyń jaǵdaıy joq, alıment tóleı almaıdy» dep úndemeı júre beredi. Dese de, ár adam óz quqyǵyn qorǵaı bilýi kerek. Bes jyl boıy, on jyl boıy alıment óndire almaı júrgen áıel adamdar óziniń sot oryndaýshysynyń ústinen elektrondy túrde aryz jazyp, lıenzııasynan aıyra alady. Ol úshin Ádilet mınıstrliginiń resmı saıtyna kirýi qajet»,- dep keńes berdi zańger.
Búginde árbir onynshy áke ul-qyzyna alıment tóleýden bas tartady. Bul – ata-analardyń bala aldyndaǵy jaýapkershilikti sezinbeýiniń saldarynan týyndaǵan statıstıka. Bizdiń taraptan aıtarymyz – urpaq jalǵasy balanyń ómirine áke men ana birdeı kóńil bólse degen tilek qana..
Foto ashyq derekkózden alyndy.
Dıana ASAN,
«Adyrna» ulttyq portaly
