Orys synyptary jabylyp, oryssha sóıleskender jazaǵa tartylmaq

2103
Adyrna.kz Telegram

Ashhabadtaǵy mektepter men mektepke deıingi mekemelerde tekserýler júrýde. Bilim salasynyń sheneýnikteri bul ne tekseris ekenin ázirge ashyp aıtpaıdy dep habarlaıdy «Adyrna» ulttyq portaly Azatlyk radıosyna silteme jasap.

Túrkimenstandaǵy bilim oshaqtarynda júrip jatqan bul tekseris orys synyptaryn jabý máselesimen baılanysty bolýy múmkin. «Barlyq mektep pen balabaqshalarda tekserý jumystary júrip jatyr. Jemqorlyqqa baılanysty deıdi. Shyndyǵynda másele orys synyptaryna bala qabyldanýymen baılanysty», deıdi korrespondent. Azatlyktyń kelesi tilshisi orys tilindegi bilim mekemeleriniń basshylarynyń jumystan shyǵarylǵanyn aıtady.

Sondaı aq, orys tilindegi synyptar oblystaǵy mektepterde de jabylýda. Al orys tili sabaqtarynyń saǵattary meılinshe qysqartylyp jatyr.  Azatlyktyń senimdi aqparat kózi Túrkimenstanda 2030 jylǵa deıin orys tilindegi synyptardy túgeldeı jabý úkimettik deńgeıde qaralyp jatqanyn jetkizipti.

Orys tili synyptaryn jabýdan bólek, qazir bul elde oryssha sóıleıtinderge de qysym arta bastaǵan. Ana tilinde sóılemegender jazasyz qalmaıtyny da eskertilgen. Túrkimenstandaǵy bul jaǵdaı saıasatpen baılanysty degen aqparat ta bar. Taıaýda ǵana Túrkimenstannan ketken túrkimender ózderiniń tólqujatyn áýejaıda jarııa túrde jyrtyp, laqtyryp jibergen soń  shekara asyp ketken bolatyn. Orys tilimen kúres te osy jaǵdaımen baılanysty bolýy múmkin degen sóz bar.

Foto «Azatlyk» saıtynan alyndy.

Pikirler