Resei qauıpsızdık keŋesınıŋ hatşysy Sergei Şoigu 25 qaraşada jūmys saparymen Auǧanstanǧa bardy. Būl turaly reseilık aqparat agenttıkterı jariialady, dep habarlaidy “Adyrna” ūlttyq portaly.
Habarlamada Şoigu "Taliban" basqarǧan eldıŋ "joǧary bilıgımen" kezdesıp, "vise-premerler men ministrlermen ekonomika, kölık jäne qauıpsızdık mäselelerın talqylady" dep jazylǧan.
Reseidıŋ būrynǧy qorǧanys ministrı TASS agenttıgıne: "Auǧanstan ükımetı bilıkke kelgen uaqyttan berı köp närse özgerdı, jaǧdai aiqyn boldy" degen sözderın jetkızdı.
Al "İnterfaks" agenttıgı Şoigudyŋ Auǧanstanmen "barlyq baǧyttar boiynşa yntymaqtastyqqa daiyn ekenın" aitqanyn keltıredı.
"Bızdıŋ elderımız arasyndaǧy saiasi dialogty qūruǧa daiyn ekenımızdı rastaimyn, onyŋ ışınde auǧan ışındegı retteu prosesıne serpın beru maqsatynda", - dedı ol.
