Lıtvanyń Vılnıýs áýejaıy mańynda DHL kompanııasynyń júk ushaǵy apatqa ushyrady. Saldarynan ekıpaj músheleriniń biri qaza tapty. Germanııa bul apatqa syrtqy kúshterdiń qatysy bolýy múmkin ekenin joqqa shyǵarmaıdy, dep habarlaıdy “Adyrna” ulttyq portaly.
“Golos Amerıkı” basylymynyń aqparatyna sáıkes, oqıǵa dúısenbi kúni, 25 qarashada bolǵan.
Bılik bul oqıǵany jaqynda bolǵan dıversııa áreketterimen baılanystyrmady. Degenmen, sońǵy birneshe aptada Lıtvada júk ushaqtaryna órt qoıý qurylǵylary ornatylýyna baılanysty yqtımal oqıǵalardy tergeý júrgizilgen.
Polıııa men DHL kompanııasynyń málimetinshe, Leıpıgten kelgen ushaq áýejaıdan shamamen bir shaqyrym jerde qulap, birneshe ǵımaratqa soǵylǵan. Ushaq birneshe júz metrge ushyp, basqarýdan shyǵyp ketken.
Apat bolǵan jerden túsirilgen sýretterde ushaq synyqtary men órtke oranǵan paketter kórinedi. Olar qalalyq aýmaqtaǵy bir bólikte shashylyp, tótenshe jaǵdaı qyzmetkerleri aımaqty qorshaýǵa alǵan.
«Bul dıversııa nemese terakt boldy degen belgiler nemese dálelder ázirge joq», – dedi qorǵanys mınıstri Laýrınas Kaıýnas jýrnalısterge.
Ol tergeý sebepti anyqtaý úshin shamamen bir aptaǵa sozylýy múmkin ekenin aıtty.
Memlekettik qaýipsizdik departamentiniń basshysy Darıýs Iaýnıshkıs Lıtvada «Reseıdiń barǵan saıyn agressıvti áreketterin» baqylap otyrǵanyn jáne «terakt bolýy múmkindigin joqqa shyǵara almaıtynyn» aıtty. Biraq oqıǵaǵa bireýdiń qatysy bar ekenin dáleldeý ázirge múmkin emes ekenin jetkizdi.
Lıtvanyń premer-mınıstri Ingrıda Shımonıte áleýmettik jelide jarııalanǵan málimdemesinde tergeý kezinde «jyldam tujyrymdardan aýlaq bolýǵa» shaqyrdy.
Alaıda Germanııanyń syrtqy ister mınıstri Annalena Berbok: «Endi bul ne bolǵanyn anyqtap, ózimizge suraq qoıýymyz kerek: bul jaı ǵana apat pa, álde taǵy bir gıbrıdti oqıǵa ma?» – dedi.
Polıııanyń málimetinshe, ushaq birneshe júz metr ushyp, turǵyn úıge soǵylǵan. Keıin taǵy birneshe shaǵyn ǵımarattar men avtokólikke soqqan.
Órt sóndirýshilerdiń aıtýynsha, apat saldarynan ekıpaj músheleriniń tórteýiniń biri qaza tapqan.
Polıııanyń málimetinshe, qaza tapqan ekıpaj múshesi ıspandyq bolǵan, al qalǵan úsh ekıpaj múshesi Ispanııa, Germanııa jáne Lıtva azamattary. Olardyń bireýi aýyr jaraqat alǵan.
Tótenshe qyzmet ókilderi ushaq soǵylǵan úıdiń turǵyndary evakýaııalanǵanyn habarlady. Úıde turatyn 12 adam qaýipsiz jerge kóshirilgen.
«Bizdi jarylys daýsy oıatty. Terezeden jarylystar tolqyny men ot bultyn kórdik. Feıerverkteı boldy», – dedi apat ornyna jaqyn turatyn Stanıslovas Iakımavıchıýs France Presse agenttigine aıtty.
DHL kompanııasy ushaqty onyń seriktesi SwiftAir paıdalanǵanyn jáne ushaq «apatty jaǵdaıda qonýǵa» áreket jasaǵanyn málimdedi.
Germanııanyń kólik mınıstrliginiń ókili eldiń avıaııalyq oqıǵalardy zertteý bıýrosy apat ornynda júrgizilip jatqan tergeýge qoldaý kórsetetinin aıtty.
Apattyń naqty sebebi áli anyqtalmaǵan. Buǵan deıin osy aıda Lıtvada Batys elderine baǵyttalǵan ushaqtarǵa órt qoıý qurylǵylaryn jiberýge baılanysty qylmystyq is boıynsha qamaýǵa alýlar júrgizilgen bolatyn.
Polsha jáne Lıtva BAQ-tarynyń málimetinshe, shilde aıynda Lıtvadan Ulybrıtanııaǵa otqa qaýipti zattary bar elektr massajerler sekildi qurylǵylar jiberilgen. Bul qurylǵylar Varshava mańynda júk kóliginiń órtenýine baılanysty bolýy múmkin.
Ulybrıtanııanyń antıterrorlyq polıııasy ótken aıda Germanııada bolǵan uqsas jaǵdaıdan keıin jyl basynda qoımada sálemdemeniń órtenýin tergep jatqanyn habarlady.
Lıtva prezıdentiniń qaýipsizdik jónindegi bas keńesshisi bul oqıǵalarǵa Reseıdiń qatysy bar dep aıyptady.
«Biz bul operaııalardyń qaıdan shyqqanyn bilemiz. Bul – Reseıdiń áskerı barlaý qyzmeti», – dedi Kestýtıs Býdrıs Ziniu radıosyna bergen suhbatynda.
«Biz muny jaýapsyz qaldyra almaımyz, óıtkeni bul odan da jańa áreketterge ákelýi múmkin», – dep qosty ol.
