Armenııa 28 qarasha kúni Astanada ótetin UQShU keńesiniń otyrysyna qatyspaıdy. Bul týraly eldiń syrtqy ister mınıstri Ararat Mırzoıan aıtty, dep habarlaıdy «Adyrna» tilshisi.
«Armenııa UQShU syrtqy ister mınıstrleri keńesiniń, qorǵanys mınıstrleri keńesiniń jáne qaýipsizdik keńesi hatshylary komıtetiniń otyrystaryna qatyspaıdy»,—dedi ol.
Buǵan deıin Armenııa premer-mınıstri Nıkol Pashınıan eldiń UQShU-ǵa músheligin zańdy negizde toqtatýy múmkin ekenin habarlaǵan edi.
«UQShU Armenııa aldyndaǵy qaýipsizdik salasyndaǵy mindettemelerin oryndaýdyń ornyna, kerisinshe, Armenııa Respýblıkasy úshin qıyndyqtar týǵyzyp otyr», – dep málimdedi ol.
Aıta keteıik, Ujymdyq qaýipsizdik jónindegi shart uıymy Qaýipsizdik keńesiniń kezekti sessııasyna Qazaqstan prezıdenti Qasym-Jomart Toqaev tóraǵalyq etedi. Jıynda aımaqtyq jáne halyqaralyq qaýipsizdiktiń negizgi máseleleri talqylanbaq.
