Jalpy shyǵyny 10 mıllıon dollar kóleminde bolǵan, rejısser Aqan Sataevtyń «Tomırıs» fılmi qyrkúıektiń 2-si men 13-i aralyǵynda Parıjde ótken franııalyq L'Étrange Festival kınofestıvaliniń Gran-prıin jeńip aldy.
«Qazaqfılmniń» baspasóz qyzmeti arnaıy «Jańa janr» júldesin Franııadaǵy eń iri aqyly telearnalardyń biri Canal+ tabystap, fılmdi kórsetý quqyǵyn satyp alyp, praım-taım ýaqytynda kórsetýdi josparlap otyrǵanyn da aıtty.
Atalǵan kınotýyndy bizdiń zamanymyzǵa deıingi VI ǵasyrda bolǵan oqıǵalar tizbegin baıan etedi. Uly dalada ǵumyr keship, álemdik ańyzǵa aınalǵan batyr qyz jaıly Fılm 93 kúnde túsirilip bitken. Jalpy jobany ekranǵa tolyq shyǵarý úshin eki jarym jyl ýaqyt jumsaldy. Túsirilim alańynda bir ýaqytta 800 adamǵa jýyq kisi jumys istegen kúnder de bolǵan. Shyǵarmashylyq toptyń quramyna eń kóp degende 400 adam qatysqan. Tórt úlken lokaııa – Shonjy, Qapshaǵaı jáne Almaty, Kókshetaý óńirlerinde jasalǵan bolatyn.
"Biz eń basynda múmkin Vavılon, Kır patshasy bar kıno bólikterin Marokkoda túsiremiz dep oılaǵanbyz. Biraq, bizdiń sýretshilerimiz baryp, ol jaqtyń dekoraııalaryn kórip kelgennen keıin kishkene qarajat jaǵyn únemdeý týraly sheshim qabyldandy", – degen edi fılm rejısseri Aqan Sataev.
Fılm QR Mádenıet jáne sport mınıstrliginiń tapsyrysymen «Qazaqfılm» kınostýdııasynda Sataifilm kompanııasynyń qatysýymen túsirilgen.
Ularbek Dáleıuly
"Adyrna" Ulttyq portaly
Sýret fılmnen alyndy
