Qazaq fılmi halyqaralyq baıqaýda top jardy. Otandyq kınoındýstrııaǵa olja salǵan týyndyny belgili kaskader, rejısser ári akter Ǵalymbek Qaratúrik túsirgen.
Shyǵys Evropadaǵy eń tanymal baıqaýda 200-den astam shyǵarma baq synaǵan. Úsh aıdan astam irikteý júrgizilgen festıvalde “Tutylǵan jaryq” eń úzdik qysqa metrajdy fılm dep tanyldy. Týyndynyń rejısseri Ǵalymbek Qaratúriktiń aıtýynsha, senarııi shynaıy oqıǵaǵa negizdelgen.
Fılmde bas keıipkerdi kaskader Edil Symaǵulovoınasa, qosalqy rólderdi kásibı akterler somdaǵan.
Týyndy kúndiz kózi kórmeıtin, túnde ǵana kóretinbarymtashynyń balasy týraly. Onyń uly da týra ózi sııaqty bolyp dúnıege kelip, ákesiniń jolyn qýady. Kózi de túnde ǵana kóredi. Aqyrynda ákesimen birge opat bolady. Kózdiń bul aýrýy ǵylymda «ahromatopsııa» dep atalady. Coǵan baılanysty fılmniń ataýy “Tutylǵan jaryq” dep qoıylǵan.
«Bul fılmniń negizgi aıtar oıy ne jasasań – sol aldyńnan shyǵady. Bul dúnıede jaqsylyq jasaǵan adamnyń ómiriniń sońy jaqsylyqpen, jamandyq jasaǵan adamnyń ómiriniń sońy jamandyqpen aıaqtalatyny kórsetiledi.Tabıǵat qubylystarymen baılanysty da halyqtyq fılosofııalyq detaldar kórinis tabady. Mysal úshin kúnniń tutylýy, jalǵyz qustyń jaryqqa qaraı ushyp bara jatýy degen sııaqty kórinister bar»,-deıdi Ǵalymbek Qaratúrik.
Sondaı-aq ol Qazaq kınoındýstrııasy úshin birneshe irgeli jobalardy qolǵa alyp jatqanyn, jaqynda jarııalaıtynyn da aıtty.
