Qazaq filmı halyqaralyq baiqauda top jardy. Otandyq kinoindustriiaǧa olja salǧan tuyndyny belgılı kaskader, rejisser ärı akter Ǧalymbek Qaratürık tüsırgen.
Şyǧys Evropadaǧy eŋ tanymal baiqauda 200-den astam şyǧarma baq synaǧan. Üş aidan astam ırıkteu jürgızılgen festivalde “Tūtylǧan jaryq” eŋ üzdık qysqa metrajdy film dep tanyldy. Tuyndynyŋ rejisserı Ǧalymbek Qaratürıktıŋ aituynşa, ssenariiı şynaiy oqiǧaǧa negızdelgen.
Filmde bas keiıpkerdı kaskader Edıl Symaǧūlovoinasa, qosalqy rölderdı käsıbi akterler somdaǧan.
Tuyndy kündız közı körmeitın, tünde ǧana köretınbarymtaşynyŋ balasy turaly. Onyŋ ūly da tura özı siiaqty bolyp düniege kelıp, äkesınıŋ jolyn quady. Közı de tünde ǧana köredı. Aqyrynda äkesımen bırge opat bolady. Közdıŋ būl auruy ǧylymda «ahromatopsiia» dep atalady. Coǧan bailanysty filmnıŋ atauy “Tūtylǧan jaryq” dep qoiylǧan.
«Būl filmnıŋ negızgı aitar oiy ne jasasaŋ – sol aldyŋnan şyǧady. Būl düniede jaqsylyq jasaǧan adamnyŋ ömırınıŋ soŋy jaqsylyqpen, jamandyq jasaǧan adamnyŋ ömırınıŋ soŋy jamandyqpen aiaqtalatyny körsetıledı.Tabiǧat qūbylystarymen bailanysty da halyqtyq filosofiialyq detaldar körınıs tabady. Mysal üşın künnıŋ tūtyluy, jalǧyz qūstyŋ jaryqqa qarai ūşyp bara jatuy degen siiaqty körınıster bar»,-deidı Ǧalymbek Qaratürık.
Sondai-aq ol Qazaq kinoindustriiasy üşın bırneşe ırgelı jobalardy qolǧa alyp jatqanyn, jaqynda jariialaitynyn da aitty.
