Mädeniet jäne aqparat ministrı Aida Balaeva Fransiiada tūratyn etnikalyq qazaq, käsıpker Nūrjan Tölegenmen kezdestı, dep habarlaidy «Adyrna» tılşısı.
Qytaidyŋ Ile öŋırınde düniege kelgen Nūrjan bügınde Parijde tūrady. Qazaqtyŋ ruhani mūrasyna erekşe yqylasy bar azamat jaqynda öz brendın «Tolegen Paris» atauymen tanystyryp, «Kiz Jibek» atty liuks sanattaǧy parfiumeriialyq önımdı jaryqqa şyǧarǧan.
«Nūrjan Tölegen būl ätır 17 ǧasyrdaǧy qazaq dalasynyŋ «Qyz Jıbek» lirikalyq jyryn qaita jaŋǧyrtanyn erekşe atap öttı. Onyŋ osydan bırneşe jyl būryn Qazaqstanǧa jasaǧan sapary ömırın tübegeilı özgertken eken. Sonyŋ äserınen paida bolǧan būl brend – Şyǧys pen Batysty bailanystyratyn jaŋa köpır ıspettı. Osyndai kreativtı, bastamaşyl ärı otanşyl jastardy qoldauǧa şaqyramyn. Būl – bärımızdıŋ ortaq mındetımız.Sondyqtan Tölegennıŋ jūmysyna sättılık pen tolaiym tabys tıleimın!»—dedı ministr.
