Bılım jäne ǧylym ministrı Ashat Aimaǧambetov äleumettık jelıdegı paraqşasynda qazaq tılın oqytuǧa qatysty auqymdy özgerıster bolyp jatqanyn, bala bırınşı kezekte ana tılınde bılım aluy kerektıgın jetkızdı.
-El Prezidentı Q.K.Toqaev atap ötkendei: «Qazaqtyŋ tılı – qazaqtyŋ jany! Halqymyzdyŋ tarihy da, taǧdyry da – tılınde. Mädenietı men ädebietı de, dılı men dını de – tılınde».
Ministrlık bılım beru mekemelerınde qazaq tılınıŋ oqytyluyna qatysty bırşama auqymdy özgerıster jasauda.Atap aitqanda, endı balabaqşalarda aǧylşyn tılı mındettı pän retınde oqytylmaidy. Bala jastaiynan öz ana tılınde tärbie aluy kerek. Osy tūsta, Memleket basşysy Qasym-Jomart Kemelūly «Ana tılı» gazetıne bergen sūhbatynda: «Mektepterdıŋ bastauyş synyptarynda qazaq tılıne basymdyq berılgenı dūrys» degen ūsynysy bızdıŋ jūmysymyzda qoldanylady.Būdan bölek, qazaq tılınıŋ baǧdarlamasy da özgertılmek. Aldaǧy uaqytta grammatikany oqytuǧa bölınetın saǧat sany artady. Oquşynyŋ dūrys jazuy men söileuı üşın, oiyn tiianaqty jäne sauatty jetkızudegı grammatikanyŋ orny erekşe. Būl tūsta bız taǧy da Ahmet Baitūrsynūlynyŋ eŋbekterıne jügınemız.Özderıŋızge belgılı, «Älıppenı» memlekettık standartqa engızdık, onyŋ baǧdarlamasy da daiyndaldy, oqulyq daiyndalyp aprobasiiaǧa kırıp, keler oqu jylynan bastap bız bırınşı synyptarǧa Ana tılımen bırge qaita engızemız. Ol Ahmet Baitūrsynūly ūsynǧan metodika boiynşa daiyndaluda.Öitkenı qazaq fonetikasyn jetık meŋgergen ǧalym qazaq tılın üiretudıŋ eŋ oŋai prinsipın ūsyndy. Otandyq ǧalymdar men baspagerler qazır osy baǧytta jūmys jürgızıp jatyr. Jaqynda Älıppenıŋ jobalyq nūsqasyn qoǧammen bırge talqylaimyz.
Sonymen qatar mektepte qazaq ädebietınıŋ oqytyluy qaita qarastyrylady.Būl mäsele boiynşa Memleket basşysynyŋ tapsyrmasy bar, - dedı.
Aimaǧambetov Bılım ministrlıgıne būrynǧydan da ekı ese ülken jauapkerşılık jükteletının atap öttı.
-Memleket basşysynyŋ tapsyrmasyna säikes, keler jyldan bastap Tıl komitetı Bılım jäne ǧylym ministrlıgınıŋ qūramyna kıredı. Ministrlık tärbie men bılımdı, ǧylymdy damytumen qatar tıl saiasatyn da jürgızedı. Būl oryndy da. Memlekettık tıl saiasaty balabaqşadan bastap universitetke deiın dūrys jolǧa qoiylu kerek.A.Baitūrsynūly öskeleŋ ūrpaqty oqu-bılımge, mädeniettı tanuǧa, äleumettık sanany jaŋǧyrtuǧa şaqyryp, elımızdıŋ azattyq qol jetkızgendıgın qalady.
Şükır, bız bügın babalarymyz aŋsaǧan maqsat-mūratqa jettık. Keiıngı tolqyn, öskeleŋ ūrpaq tuǧan halqy üşın qasyqtai qany qalǧanşa qaltqysyz qyzmet etuge arnaǧan babalarymyzdy ardaqtap, solarǧa qarap boi tüzeuı kerek.
Memleket basşysy da özınıŋ «Jaŋa jaǧdaidaǧy Qazaqstan: ıs-qimyl kezeŋı» atty Joldauynda Ahmet Baitūrsynūlynyŋ: «Bılımdı boluǧa oqu kerek. Bai boluǧa käsıp kerek. Küştı boluǧa bırlık kerek. Osy kerekterdıŋ jolynda jūmys ısteu kerek» degen qaǧidatyn berık ūstanuǧa şaqyrady, - dedı ministr.
Gülfairuz MYQTYBEKOVA,
Almaty qalasyna qarasty Alatau audanynyŋ
182 jalpy bılım beretın mekteptıŋ mūǧalımı
Ūqsas jaŋalyqtar
