Bilim jáne ǵylym mınıstri Ashat Aımaǵambetov áleýmettik jelidegi paraqshasynda qazaq tilin oqytýǵa qatysty aýqymdy ózgerister bolyp jatqanyn, bala birinshi kezekte ana tilinde bilim alýy kerektigin jetkizdi.
-El Prezıdenti Q.K.Toqaev atap ótkendeı: «Qazaqtyń tili – qazaqtyń jany! Halqymyzdyń tarıhy da, taǵdyry da – tilinde. Mádenıeti men ádebıeti de, dili men dini de – tilinde».
Mınıstrlik bilim berý mekemelerinde qazaq tiliniń oqytylýyna qatysty birshama aýqymdy ózgerister jasaýda.Atap aıtqanda, endi balabaqshalarda aǵylshyn tili mindetti pán retinde oqytylmaıdy. Bala jastaıynan óz ana tilinde tárbıe alýy kerek. Osy tusta, Memleket basshysy Qasym-Jomart Kemeluly «Ana tili» gazetine bergen suhbatynda: «Mektepterdiń bastaýysh synyptarynda qazaq tiline basymdyq berilgeni durys» degen usynysy bizdiń jumysymyzda qoldanylady.Budan bólek, qazaq tiliniń baǵdarlamasy da ózgertilmek. Aldaǵy ýaqytta grammatıkany oqytýǵa bólinetin saǵat sany artady. Oqýshynyń durys jazýy men sóıleýi úshin, oıyn tııanaqty jáne saýatty jetkizýdegi grammatıkanyń orny erekshe. Bul tusta biz taǵy da Ahmet Baıtursynulynyń eńbekterine júginemiz.Ózderińizge belgili, «Álippeni» memlekettik standartqa engizdik, onyń baǵdarlamasy da daıyndaldy, oqýlyq daıyndalyp aprobaııaǵa kirip, keler oqý jylynan bastap biz birinshi synyptarǵa Ana tilimen birge qaıta engizemiz. Ol Ahmet Baıtursynuly usynǵan metodıka boıynsha daıyndalýda.Óıtkeni qazaq fonetıkasyn jetik meńgergen ǵalym qazaq tilin úıretýdiń eń ońaı prınıpin usyndy. Otandyq ǵalymdar men baspagerler qazir osy baǵytta jumys júrgizip jatyr. Jaqynda Álippeniń jobalyq nusqasyn qoǵammen birge talqylaımyz.
Sonymen qatar mektepte qazaq ádebıetiniń oqytylýy qaıta qarastyrylady.Bul másele boıynsha Memleket basshysynyń tapsyrmasy bar, - dedi.
Aımaǵambetov Bilim mınıstrligine burynǵydan da eki ese úlken jaýapkershilik júkteletinin atap ótti.
-Memleket basshysynyń tapsyrmasyna sáıkes, keler jyldan bastap Til komıteti Bilim jáne ǵylym mınıstrliginiń quramyna kiredi. Mınıstrlik tárbıe men bilimdi, ǵylymdy damytýmen qatar til saıasatyn da júrgizedi. Bul oryndy da. Memlekettik til saıasaty balabaqshadan bastap ýnıversıtetke deıin durys jolǵa qoıylý kerek.A.Baıtursynuly óskeleń urpaqty oqý-bilimge, mádenıetti tanýǵa, áleýmettik sanany jańǵyrtýǵa shaqyryp, elimizdiń azattyq qol jetkizgendigin qalady.
Shúkir, biz búgin babalarymyz ańsaǵan maqsat-muratqa jettik. Keıingi tolqyn, óskeleń urpaq týǵan halqy úshin qasyqtaı qany qalǵansha qaltqysyz qyzmet etýge arnaǵan babalarymyzdy ardaqtap, solarǵa qarap boı túzeýi kerek.
Memleket basshysy da óziniń «Jańa jaǵdaıdaǵy Qazaqstan: is-qımyl kezeńi» atty Joldaýynda Ahmet Baıtursynulynyń: «Bilimdi bolýǵa oqý kerek. Baı bolýǵa kásip kerek. Kúshti bolýǵa birlik kerek. Osy kerekterdiń jolynda jumys isteý kerek» degen qaǵıdatyn berik ustanýǵa shaqyrady, - dedi mınıstr.
Gúlfaırýz MYQTYBEKOVA,
Almaty qalasyna qarasty Alataý aýdanynyń
182 jalpy bilim beretin mekteptiń muǵalimi
