«Altyn belgıge» ümıtker halyqaralyq olimpiadalardyŋ jeŋımpazdary qajet bolǧan jaǧdaida qorytyndy emtihannan bosatylady. Būl turaly Oqu-aǧartu ministrlıgınıŋ baspasöz qyzmetı habarlady, dep jazady "Adyrna" ūlttyq portaly.
Oqu-aǧartu ministrlıgı «Altyn belgı» beru turaly qoldanystaǧy būiryqqa özgerıster engızuge bastama jasady.
Biylǧy oqu jylynan bastap jalpy bılım beretın pänder boiynşa üzdık oquşylar jäne soŋǧy üş jyl boiy halyqaralyq olimpiadalardyŋ jeŋımpazy atanǧan «Altyn belgı» tösbelgısıne ümıtkerler qajet bolǧan jaǧdaida qorytyndy emtihandardan bosatylyp, üzdık belgısın alady.
11-synyp tülekterı halyqaralyq olimpiadalarǧa daiyndalu üşın oqu-jattyǧu jiyndaryna qatysqan jaǧdaida qorytyndy attestasiiadan bosatyluy mümkın.
«Būǧan deiın «Altyn belgıge» ümıtker halyqaralyq olimpiadalardyŋ jeŋımpazdary qorytyndy attestasiia kezınde jazǧy oqu-jattyǧu jiyndarynda bolyp, halyqaralyq olimpiadalar men jarystarǧa daiyndalyp, emtihan tapsyra almasa, avtomatty türde «Altyn belgı» belgısınen aiyrylatyn. Endı tülekter ony ala alady. Ol üşın «üzdık» degen baǧa boluy kerek. Qazır daryndy balalardy qoldau maqsatynda jan-jaqty jūmystar atqarylyp jatyr. Būl özgerıs te balalardyŋ müddesı üşın qabyldandy», - dep tüsındırdı QR Oqu-aǧartu ministrlıgı Orta bılım komitetınıŋ töraǧasy Gülmira Kärımova.
"Adyrna" ūlttyq portaly
Ūqsas jaŋalyqtar
