Azamattarymyz BAÁ-de ólim jazasyna kesilgen jaǵdaıda bılik kómektese almaıdy

3002
Adyrna.kz Telegram

Azamattarymyz BAÁ-de ólim jazasyna kesilgen jaǵdaıda bılik  kómektese almaıdy. Bul týraly bas prokýrordyń orynbasary Bolat Dembaev  aıtty dep habarlaıdy «Adyrna» ulttyq portaly zakon.kz-ke silteme jasap.

2 qyrkúıekte parlamenttiń tómengi palatasy Birikken Arab Ámirliginde sottalǵan azamattardy elge qaıtarý jónindegi kelisimdi ratıfıkaııalaý máselesin talqylady.

Kezdesý barysynda depýtattar bas prokýror orynbasarynan azamattarymyz BAÁ-de ólim jazasyna kesilgen jaǵdaıda olardy elge aýystyrý qalaı júzege asyrylatynyn surady.

Kelisim Qazaqstan azamatyna jazbasha ótinish jazý arqyly elshilikke júginýge múmkindik beredi. Bul jaǵdaıda Qazaqstan óz azamatyn elge qaıtara alady. Bılik jazalanýshyǵa Ámirlik soty shyǵarǵan úkimdi taǵaıyndaýǵa mindettenedi. Mysaly, eger BAÁ soty Qazaqstan azamatyn 15 jylǵa bas bostandyǵynan aıyrsa, elimizdiń soty da ony osy merzimge sottaýy tıis.

«Eger elimizde ólim jazasy qarastyrylmaǵan bolsa, onda biz jazalanýshyny qylmysyn óteý úshin elge ákele almaımyz. Bul jaǵdaıda biz onyń ótinishin qanaǵattandyrýdan bas tartamyz»,- dedi Bas prokýrordyń orynbasary.

Depýtattar óz kezeginde Dembaevtan mán-jaıdy tolyq túsindirýdi surady.

- «Siz qazir «bas tartamyz», «qalady» dep ońaı aıtyp otyrsyz. Bul bizdiń azamattyń taǵdyry! Sizdi qazir búkil el estip otyr. BAÁ - qazaqstandyqtar jıi baratyn memleket. Ómir - bul ómir. Biraq kenetten bir nárse bolyp qaldy delik. Sol kezde bizdiń azamattyń taǵdyry ne bolatynyn túsinýimiz qajet. «Bizde ólim jazasy joq, ol qalady» deısiz. Eger solaı bolsa, biz oılanyp, kelisimdi qaıta qarastyrýymyz kerek», - dedi Májilis tóraǵasy Nurlan Nyǵmatýlın.

Syrtqy ister mınıstrliginiń ókili elimizde ólim jazasyn taǵaıyndaý jaǵdaılary bolmaǵanyn atap ótti. Alaıda, mundaı jaǵdaı basqa elderde bolǵan.

«Keıbir Eýropa elderi Ámirliktiń bılik organdaryna júgindi, alaıda olardyń ótinishi qarastyrylmady. Óıtkeni, bul elderde ólim jazasy joq. Osy tájirıbege súıensek, bizde de osyndaı jaǵdaı qaıtalanatyn shyǵar, - dep túsindirdi Syrtqy ister mınıstrliginiń qyzmetkeri.

Dembaevtyń aıtýynsha, mundaı kelisimder oń nátıje beredi.  2019 jyly Qazaqstan 104 azamatty basqa elge jiberdi, nátıjesinde bıýdjet únemdeldi. Al 28 azamat elge oraldy. Bıyl Qazaqstan 21 sottalýshyny eline jiberip, 10 otandasymyzdy Qazaqstanǵa qaıtaryp aldy.

- «Siz tek sandardy keltirip, olardy úlken jetistik retinde kórsetip otyrsyz. 104 azamatty jiberip, 28 otandasymyzdy qaıtardyq. Ózge elder úshin jumys isteıtin mundaı kelisimsharttar bizge ne úshin qajet? Biz, saıyp kelgende, azamattarymyzdyń elge oralýyna kepildik beretin kelisimder jasaýymyz kerek. Olar jazalansyn jáne jazalaryn osy jerde ótesin. Kelisimderge qol qoıǵan kezde sizdiń basty maqsatyńyz osyndaı bolýy kerek», - dep qorytyndylady Nurlan Nyǵmatýlın.

Buǵan deıin BAÁ-de bes qazaqstandyqtyń abaısyzda kisi óltirgeni jáne urlyq jasaǵany úshin jazasyn ótep jatqandyǵy habarlanǵan bolatyn. Esirtki men psıhotroptyq zattardy satqany úshin taǵy bir áıel jazasyn óteýde.

 

«Adyrna» ulttyq portaly

Pikirler