ازاماتتارىمىز ءباا-دە ءولىم جازاسىنا كەسىلگەن جاعدايدا بيلىك كومەكتەسە المايدى. بۇل تۋرالى باس پروكۋروردىڭ ورىنباسارى بولات دەمباەۆ ايتتى دەپ حابارلايدى «ادىرنا» ۇلتتىق پورتالى zakon.kz-كە سىلتەمە جاساپ.
2 قىركۇيەكتە پارلامەنتتىڭ تومەنگى پالاتاسى بىرىككەن اراب امىرلىگىندە سوتتالعان ازاماتتاردى ەلگە قايتارۋ جونىندەگى كەلىسىمدى راتيفيكاتسيالاۋ ماسەلەسىن تالقىلادى.
كەزدەسۋ بارىسىندا دەپۋتاتتار باس پروكۋرور ورىنباسارىنان ازاماتتارىمىز ءباا-دە ءولىم جازاسىنا كەسىلگەن جاعدايدا ولاردى ەلگە اۋىستىرۋ قالاي جۇزەگە اسىرىلاتىنىن سۇرادى.
كەلىسىم قازاقستان ازاماتىنا جازباشا ءوتىنىش جازۋ ارقىلى ەلشىلىككە جۇگىنۋگە مۇمكىندىك بەرەدى. بۇل جاعدايدا قازاقستان ءوز ازاماتىن ەلگە قايتارا الادى. بيلىك جازالانۋشىعا امىرلىك سوتى شىعارعان ۇكىمدى تاعايىنداۋعا مىندەتتەنەدى. مىسالى، ەگەر ءباا سوتى قازاقستان ازاماتىن 15 جىلعا باس بوستاندىعىنان ايىرسا، ەلىمىزدىڭ سوتى دا ونى وسى مەرزىمگە سوتتاۋى ءتيىس.
«ەگەر ەلىمىزدە ءولىم جازاسى قاراستىرىلماعان بولسا، وندا ءبىز جازالانۋشىنى قىلمىسىن وتەۋ ءۇشىن ەلگە اكەلە المايمىز. بۇل جاعدايدا ءبىز ونىڭ ءوتىنىشىن قاناعاتتاندىرۋدان باس تارتامىز»،- دەدى باس پروكۋروردىڭ ورىنباسارى.
دەپۋتاتتار ءوز كەزەگىندە دەمباەۆتان ءمان-جايدى تولىق ءتۇسىندىرۋدى سۇرادى.
- «ءسىز قازىر «باس تارتامىز»، «قالادى» دەپ وڭاي ايتىپ وتىرسىز. بۇل ءبىزدىڭ ازاماتتىڭ تاعدىرى! ءسىزدى قازىر بۇكىل ەل ەستىپ وتىر. ءباا - قازاقستاندىقتار ءجيى باراتىن مەملەكەت. ءومىر - بۇل ءومىر. بىراق كەنەتتەن ءبىر نارسە بولىپ قالدى دەلىك. سول كەزدە ءبىزدىڭ ازاماتتىڭ تاعدىرى نە بولاتىنىن ءتۇسىنۋىمىز قاجەت. «بىزدە ءولىم جازاسى جوق، ول قالادى» دەيسىز. ەگەر سولاي بولسا، ءبىز ويلانىپ، كەلىسىمدى قايتا قاراستىرۋىمىز كەرەك», - دەدى ءماجىلىس توراعاسى نۇرلان نىعماتۋلين.
سىرتقى ىستەر مينيسترلىگىنىڭ وكىلى ەلىمىزدە ءولىم جازاسىن تاعايىنداۋ جاعدايلارى بولماعانىن اتاپ ءوتتى. الايدا، مۇنداي جاعداي باسقا ەلدەردە بولعان.
«كەيبىر ەۋروپا ەلدەرى امىرلىكتىڭ بيلىك ورگاندارىنا جۇگىندى، الايدا ولاردىڭ ءوتىنىشى قاراستىرىلمادى. ويتكەنى، بۇل ەلدەردە ءولىم جازاسى جوق. وسى تاجىريبەگە سۇيەنسەك، بىزدە دە وسىنداي جاعداي قايتالاناتىن شىعار، - دەپ ءتۇسىندىردى سىرتقى ىستەر مينيسترلىگىنىڭ قىزمەتكەرى.
دەمباەۆتىڭ ايتۋىنشا، مۇنداي كەلىسىمدەر وڭ ناتيجە بەرەدى. 2019 جىلى قازاقستان 104 ازاماتتى باسقا ەلگە جىبەردى، ناتيجەسىندە بيۋدجەت ۇنەمدەلدى. ال 28 ازامات ەلگە ورالدى. بيىل قازاقستان 21 سوتتالۋشىنى ەلىنە جىبەرىپ، 10 وتانداسىمىزدى قازاقستانعا قايتارىپ الدى.
- «ءسىز تەك سانداردى كەلتىرىپ، ولاردى ۇلكەن جەتىستىك رەتىندە كورسەتىپ وتىرسىز. 104 ازاماتتى جىبەرىپ، 28 وتانداسىمىزدى قايتاردىق. وزگە ەلدەر ءۇشىن جۇمىس ىستەيتىن مۇنداي كەلىسىمشارتتار بىزگە نە ءۇشىن قاجەت؟ ءبىز، سايىپ كەلگەندە، ازاماتتارىمىزدىڭ ەلگە ورالۋىنا كەپىلدىك بەرەتىن كەلىسىمدەر جاساۋىمىز كەرەك. ولار جازالانسىن جانە جازالارىن وسى جەردە وتەسىن. كەلىسىمدەرگە قول قويعان كەزدە ءسىزدىڭ باستى ماقساتىڭىز وسىنداي بولۋى كەرەك»، - دەپ قورىتىندىلادى نۇرلان نىعماتۋلين.
بۇعان دەيىن ءباا-دە بەس قازاقستاندىقتىڭ ابايسىزدا كىسى ولتىرگەنى جانە ۇرلىق جاساعانى ءۇشىن جازاسىن وتەپ جاتقاندىعى حابارلانعان بولاتىن. ەسىرتكى مەن پسيحوتروپتىق زاتتاردى ساتقانى ءۇشىن تاعى ءبىر ايەل جازاسىن وتەۋدە.
«ادىرنا» ۇلتتىق پورتالى
