Búgin "Alash" partııasy jetekshileriniń biri Álimhan Ermekovtiń qazaq jeriniń shekarasyn moıyndatqanyna 100 jyl toldy. Ataýly kúnde jýrnalsıt Rústem Áshetaev "Jer kodeksiniń" daýly máselesine strategııalyq jospar usyndy.
BÚGIN QAZAQ ELI ShEKARASYNYŃ NAQTYLANǴANYNA – 100 JYL.
Jer kodeksiniń ASh jerleriniń belgili bir baptaryna jarııalanǵan maratorıı ýaqytynyń bitýine bir jarym jyl qalǵany bárimizge belgili.
Osy ýaqytqa deıin maratorııda kórsetilgen baptarǵa halyqtyń talabyna saı ózgerister engizý boıynsha mardymdy eshqandaı jumystar atqarylǵan joq.
Nátıjesinde, kún ótken saıyn aǵaıynnyń alańdaýshylyǵy artýda.
Dál osylaı kete berse, munyń sońy ne bolmaq?
Endigi qalǵan ýaqytta ne isteýge bolady?
Kez-kelgen zań parlamentte qaralýy úshin, aldymen parlamentte qaralatyn zańdardyń kún tártibine engizilip, parlament otyrysynda talqylanatyn kúni begilenedi.
Sodan keıin, sol zańnyń jobasyn ázirleýge tıisti mınıstirlikke joldanady.
Óz kezeginde, mınıstirlik sol zańdy zerttep, belgilengen ýaqyt aralyǵynda daıyndap shyǵyp, parlamentke usynady. Ary qaraı satylap prezıdenttiń aldyna barady.
Munyń bári bir jarym-eki jyldyq sharýa.
Al, bizde qansha ýaqyt qaldy?
Minekeı!
Dál búgin bizderdiń bolashaqta satylap atqarýymyz kerek jumystarymyzdyń, strategııalyq josparyn quryp alýdyń mańyzy óte joǵary.
Sodan keıin, sol jolmen yntymaqtasa júrip ótýimiz kerek bolady.
Osy suraqtar boıynsha tómendegideı strategııalyq qadamdardy usynamyn.
1) Jer kodeksiniń moratorııda turǵan baptaryn, parlamenttiń aldaǵy jumys josparyna engizilýine yqpal jasaý.
2) Osy baptardyń parlamentte qaralatyn kúni naqtylanyp, zań jobasyn ázirleýge AShM-ne tapsyrylǵan kúnnen bastap, qoǵam belsendileri AShM-men birikken komıssııasyn qurýǵa yqpal jasaý.
3) Birikken komıssııanyń óńirlerde shtaby ashylyp, ózderiniń usynystaryn joǵarydaǵy jumysshy tobyna jetkizip otyrý.
4) BAQ quraldarynan jer qozǵalysyna arnalǵan turaqty aıdar ashý arqyly, árbir is-qımylyn jarııalap otyrý.
Rústem Áshetaev
