Bıylǵy oqý jylynda UBT-ǵa 111113 jas túlek qatysyp, 82 154 túlek shekti baldy jınaǵan bolatyn. Qalǵan shekti baldy jınaı almaǵan nemese uıaly telefon, shporgalka syndy tıym salynǵan zattardy alyp kirgeni úshin testileýden shyǵarylǵan oqýshylar qaıta test tapsyra aldy ma?
Tamyz aıynyń 17-20 kúnderi talapkerler qaıta UBT tapsyrǵan bolatyn. Áıtse de bul talapkerler úshin sońǵy múmkindik emes. Shekti ball jınaı almaǵan talapkerler ózi túskisi kelgen oqý ornyna baryp, qaıta anyqtama alsa bolady. Elimizdegi birqatar joǵarǵy oqý oryndary shartty túrde talapkerlerdi oqýǵa qabyldaıdy.
Shartty túrde oqýǵa túsý degen ne?
Eger talapker qaıta keshendi testileýden shekti baldy jınaı almaǵan jaǵdaıda shartty túrde joǵarǵy oqý oryndaryna tapsyra alady. Joǵarǵy oqý ornymen kelisimshart bir akademııalyq oqý merzimine jasalady (qyrkúıek-jeltoqsan).
Shartty túrde oqýǵa túsken stýdent qańtar aıynda qosymsha keshendi testileý tapsyrady.
Shartty túrde qabyldanǵan stýdent joǵarǵy oqý orynynyń qabyldaý komıssııasyna qosymsha keshendi testileýge qatysý úshin arnaıy blanktegi ótinish toltyryp jáne keshendi testileý ótkizetini úshin tólengen túbirtegin tapsyrý qajet.
Memlekettik grantty utpaı qalsańyz..
Elimizdegi joǵarǵy oqý oryndary talapkerlerge arnap birshama múmkindikter berip otyr. Ár joǵarǵy oqý ornynda grantqa nemese oqý aqysyna qatysty jeńildikterge qoıylatyn talaptar men beriletin múmkindikter ár túrli. Sonymen qatar “Altyn belgi” ıegeri bolsańyz, nemese kópbalaly, jartylaı jetim, áleýmettik jaǵdaıy tómen otbasynan shyqsańyz sizge oqý aqysyn tóleýge qatysty jeńildikter qarastyrylǵan.
Ishki nemese rektor grantyna da túsýge múmkindikterińiz bar. Ol úshin bilim alǵyńyz keletin oqý ordasyna nemese sizge osyndaı múmkindik beretin oqý ornyn izdep tabýyńyzǵa bolady.
Aqyly oqýǵa túsken jaǵdaıda JOO-da úzdik oqyp, baldaryńyz joǵary bolǵan jaǵdaıda grantqa aýysýǵa qaıta ótinish jaza alasyz.
Foto Alash aınasy saıtynan alyndy
Laýra TURSYNJAN,
"Adyrna" ulttyq portaly
