Kosyrev: Lýkashenkony qoldaýymyz kerek

2141
Adyrna.kz Telegram

Mınskide bastaý alǵan sherýler Kıevtegi Maıdannyń jalǵasy. Belarýs Respýblıkasyndaǵy mıtıngilerdi AQSh pen Batys elderi uıymdastyryp otyr. Bundaı pikirdi májilis depýtaty, Qazaqstan kommýnıstik halyqtyq partııasynyń ókili Vladıslav KOSYREV bildirdi dep habarlaıdy, «Adyrna» ulttyq portaly malim.kz-ke silteme jasap.

«Belarýs elinde bolyp jatqan mıtıngiler Kıevtegi 2013 jylǵy Maıdannyń jalǵasy. Soıalızmniń aralyna aınalǵan Belarýs Respýblıkasy AQSh pen Batystyń tamaǵyndaǵy súıek qoı. Mınskide bastaý alǵan oqıǵalarǵa Batys elderi men AQSh aralasyp otyr. Aleksandr Lýkashenko memleketin saqtap qalý úshin baryn salyp jatyr. Biraq qolynan kóp nárse keler emes. Polsha, Ýkranına, Baltyq elderiniń ıdeologııasy  kúshti bop tur», -dedi májilis depýtaty.

Belarýs elinde 9 tamyz prezıdenttik saılaýdan keıin jappaı mıtıngiler bastaldy. Ortalyq saılaý komıssııasynyń habarlaýynsha 26 jyl prezıdenttik taqta otyrǵan Aleksandr LÝKAShENKO 80,01 paıyzǵa ıe bolsa, oppozıııa atynan túsken Svetlana TIHANOVSKAIa 10,09 paıyz ǵana daýys jınaǵan. Buǵan kelispegen halyq jappaı kóshelerge shyǵa bastady. Bundaı sherýler táýelsiz Belarýs tarıhynda bolǵan emes. Ótken jeksenbide Mınskidegi ortalyq alańǵa 200 myńnan asa adam shyqty degen aqparat bar. Qazir 4 myńnan asa adam túrmege qamalyp, kúshtik qurylymdar tarapynan uryp-soǵý faktileri anyqtalǵan. Quqyq qorǵaýshylar adam ólimderiniń de bolǵanyn málimdegen.

«Belarýsta kommýnıstter bar. Jáne olar úlken kúshke ıe. Nege tynysh otyrǵandaryn bilmeımin. Biz Qazaqstan kommýnıstik halyqtyq partııasy prezıdenttik saılaýdan keıin bastalǵan sherýlerdi talqylap jatyrmyz. Sovet odaǵy ydyraǵan kezde onyń qorǵap qalatyn kúsh bar edi. Biraq qashan da agressııa basym keledi. Shyndyqty qorǵaýshylar álsiz keletini bar. Biz Evrazııalyq odaqtyń quramyndaǵy elmiz ǵoı. Lýkashenkony qoldaýymyz kerek.  Reseı prezıdenti Pýtın men Qazaqstan basshysy Toqaevtyń únsizdigin túsinbeımin»,dedi Vladıslav Kosyrev.

 

«Adyrna» ulttyq portaly

Pikirler