Almatyda Ázerbaıjan men Armenııanyń syrtqy ister mınıstrleri kezdesedi. Bul týraly Ázerbaıjan prezıdenti Ilham Álıev AQSh-tyń memlekettik hatshysy Entonı Blınkenmen telefon arqyly sóıleskende málimdedi, dep habarlaıdy “Adyrna” ulttyq portaly.
Málimetke sáıkes, Álıev pen Blınken 28 sáýirde sóılesti. Osy ýaqytqa deıin eki eldiń komıssııalary birneshe ret talqylaý ótkizdi. Sonyń nátıjesinde Ázerbaıjan men Armenııa shekarany delımıtaııalaý boıynsha kelisimge keldi.
"Memleket basshysy qazaqstandyq taraptyń usynysy boıynsha Ázerbaıjan men Armenııanyń syrtqy ister mınıstrleri jaqyn arada Almatyda kezdesetinin de habarlady. Sol jerde beıbit kelisimge qatysty kelissóz jalǵasady", - delingen resmı habarlamada.
