Almatyda TMD elderiniń Syrtqy ister mınıstrleri bas qosty, dep habarlaıdy “Adyrna” ulttyq portaly QazAqparatqa siltep.
Resmı bólim bastalmas buryn delegaııa múshelerin QR Premer-Mınıstriniń orynbasary — Syrtqy ister mınıstri Murat Nurtileý qarsy aldy. Is-shara ádetegideı dástúrli hattamalyq fotosessııadan bastaldy.
Murat Nurtileý 2025 jyl Dostastyqqa qatysýshy memleketterdiń keńesi Jeńistiń 80 jyldyǵy belgisimen ótip jatqanyn jetkizdi. Surapyl soǵys jyldarynda qazaqstandyqtar erlik pen qaharman úlgisin kórsetti.
– Qazaqstan strategııalyq tyl aımaǵy retinde mańyzdy ról atqardy. Bizdiń elden maıdanǵa 1,2 mln jaýynger attandy, bul – respýblıka halqynyń 25 paıyzy. Armııany azyq-túlikpen qamtamasyz etti. Soǵys jyldarynda maıdanǵa 5 mln tonnadan astam nan, 800 myń tonna et jóneltildi. Sonymen qatar 10 oqtyń 9-y bizdiń eldiń qorǵasynynan quıyldy. Bul bizdiń ortaq jeńisimizge - Qazaqstannyń qosqan shynaıy úlesi. Sondyqtan sózimdi jınalǵan barsha áriptesterimdi kele jatqan Jeńis kúnimen quttyqtap, beıbitshilik, baqyt pen bereke tileýden bastaǵym keledi, – dedi ol.
TMD elderiniń syrtqy saıası vedomstvolarynyń basshylary halyqaralyq kún tártibindegi ózekti máselelerdi, onyń ishinde saıası, saýda-ekonomıkalyq, mádenı-gýmanıtarlyq salalardaǵy yntymaqtastyqtyń jaı-kúıi men perspektıvalaryn talqylaıdy.
Budan bólek, «Ortalyq Azııa – Reseı» formatyndaǵy syrtqy ister mınıstrleriniń kezekti kezdesýi bolady. Onyń aıasynda saýda-ekonomıkalyq jáne ınvestıııalyq, kólik-logıstıka jáne mádenı-gýmanıtarlyq salalarynda óńir elderiniń ózara is-qımyly qaralmaq.
Sondaı-aq otyrys barysynda Dostastyqqa múshe memleketterdiń Jeńistiń 80 jyldyǵyn merekeleýge daıyndyq barysyna erekshe nazar aýdarylady.
Syrtqy ister mınıstriliginiń baspasóz qyzmeti málim etkendeı, keshe Murat Nurtileý Almaty qalasyna jumys saparymen kelgen Reseı Federaııasynyń Syrtqy ister mınıstri Sergeı Lavrovpen kelissózder júrgizdi.
Onyń barysynda taraptar bıik jáne joǵary deńgeıde qol jetkizilgen ýaǵdalastyqtardyń oryndalý barysyn, sondaı-aq saıası, saýda-ekonomıkalyq, mádenı-gýmanıtarlyq jáne ózge de salalardaǵy ekijaqty yntymaqtastyqtyń ózekti máselelerin pysyqtady.
Eske salaıyq, 10 sáýir kúni QR Premer-Mınıstriniń orynbasary — Syrtqy ister mınıstri Murat Nurtileý men Reseıdiń Syrtqy ister mınıstri Sergeı Lavrov bastaǵan delegaııa 28 panfılovshy saıabaǵyndaǵy Ekinshi dúnıejúzilik soǵysynda qaza tapqandar memorıalyna gúl shoqtaryn qoıdy.
