Dańqy tutas KSRO-ny dúbirletken qazaq boksshysy ómirden ótti

4342
Adyrna.kz Telegram

Keńes Odaǵy ydyrap jatqan alaǵaı-bulaǵaı shaqta qazaq atyn asqaqtatyp, baıraǵymyzdy bıikte jelbiretken jáne táýelsiz memleket ulandarynyń sportpen shuǵyldanýyna jol ashyp bergen qazaqtyń qadirli uly, dańqty sportshy Bolat Temirov ómirden ozdy. Ókinishke qaraı, Qazaq úshin qaraly habarly "Adyrna" ulttyq portaly kópshilikke estirtedi. 

Ataqty keńes jáne qazaq boksshysy, KSRO chempıony jánk Qazaq KSR, Qazaqstan chempıonattarynyń birneshe dúrkin jeńimpazy Bolat Temirov 53 jasqa qaraǵan shaǵynda ómirden ozdy.

Dańqy sport sańlaǵynyń qazasyn aýyr qabyldaǵan jýrnalıst Jeńis Kenjesuly:

"Qosh bol, Bolat! Qazan qalasy. 1991 jyl. Qys. Qańtar-aqpan aılary. KSRO-nyń boksten 57-shi sońǵy chempıonatynda tanystyq. Sharshy alańdaǵy ár kezdesýińdi tamashalap, talantty, talapty boksshylyq ónerińe, jeńisińe tánti boldyq.
Moıynyńa altyn medal ilgende zalǵa jınalǵan ısi qazaq dý kóterilip, rýhy bir asqaqtaǵandy. Keıin de sol bıikten túspediń. Qazaq eliniń, týǵan topyraǵyńnyń altyn azamaty bola bildiń. Ózińmen eliń árqashan maqtanatyn. Áli de maqtanady. Qaraly habardy estip qabyrǵamyz qaıysty.
Baqul bol, asyl azamat!" - dep jazdy.

Bolat Bısenuly 1992 jylǵy Olımpıadanyń jáne Álem Chempıonattarynyń birneshe dúrkin jeńimpazy boldy.  Qazaqstan táýelsizdiginiń alǵashqy jyldarynda ulttyq quramanyń kapıtany qyzmetin abyroımen atqardy. Boks mansabyn aıaqtaǵannan keıin bıznespen tabysty aınalysty, QQB Bas hatshysy laýazymynda jumys istedi, Atyraý oblysynyń Qurmetti azamaty boldy.

"Adyrna" ulttyq portaly qazaq úshin týǵan arda perzenttiń barlyq týystary men jaqyndaryna shyn júrekten kóńil aıtady.

"Adyrna" ulttyq portyly

Pikirler