Qazaqstandaǵy keıbir emhanalar sońǵy alty aıda 12 myń jalǵan qabyldaý jasap, bıýdjettiń 75 mıllıon teńgesin jelge shashqan. KTK arnasynyń habarlaýynsha, kórsetilmegen medıınalyq kómekti «kórsettik» dep jazǵan.
Jurt ońaı aqshaǵa kenelgisi kelgenderdiń isin áshkerelep, áleýmettik jelige birinen soń biri jazba jarııalap jatyr. Al mundaı zań buzýshylyqtarǵa medıınalyq saqtandyrýdyń eti úırengendeı. Jurttyń shýynan soń, olar ile-shala alty aıda 12 myńdaı qatelik taptyq dep otyr.
Aıgúl Ótepova elordadaǵy №13 emhanada demikpe aýrýymen tirkeýde tur. Tegin dári-dármek alady, dárigerleri de ony bes saýsaǵyndaı biledi. Áleýmettik jelilerdegi qyzý talqydan soń, Aıgúl «Damýmed» qosymshasyna kirip, dáriger qabyldaýyna jazylǵan kúnderin qaraıdy. Sóıtse, onyń da syrtynan qabyldaý jasalǵan. Elorda turǵyny muny «alaıaqtyq» dep otyr.
Aıgúl Ótepova, Nur-Sultan qalasynyń turǵyny: - Ýchaskelik dáriger óziniń sheshimin shyǵarý úshin ol aýrýdy jeke kórýi kerek, jeke kezdesýi kerek. Telefonmen habarlasqan tolyq medıınalyq konsýltaııaǵa jata ma, jatpaı ma, bilmeımin. Meniń oıymsha, jatpaıdy. Eger olar «aýrýdy qabyldadyq» dep belgilep qoısa, ol – alaıaqtyq. Bizdiń aqshany jeý dep sanaımyn.
Bas shahardyń taǵy bir turǵyny Aıgúl Qanapınanyń da «Damýmedke» tańy bar. Ony dárigerleri túngi saǵat bir jarymǵa qabyldaýǵa jazyp qoıypty.
Aıgúl Qanapına, Nur-Sultan qalasynyń turǵyny: - 17-maýsym kúni «Damýmed» baǵdarlamasynda meniń túngi saǵat 1 jarymda Nur-Sultan qalasynyń №2 emhanasyndaǵy dárigerge jazylǵan ekenmin. Ne masqara?! Túnde emhanada meni eshkim qabyldamaıtyny belgili ǵoı. Keıin taǵy qarap otyrsam, ekpe egilgen, dári berilgen. Men eshqaısysyn alǵan joqpyn.
«Damýmed» - Qazaqstanda kóshirmesi joq, medıınalyq qyzmetti bir arnaǵa toǵystyrǵan júıe. Mobıldi qosymsha arqyly naýqastar dáriger qabyldanýyna jazylyp, em alyp, jedel járdemdi de shaqyrta alady. Al astyrtyn jazba jazyp, jalǵan aqpar berý tek qosymshaǵa kirý múmkindigi barlardyń qolynan keletin is eken. Júıe avtorlary adamdardy aldaıtyn emhanalardy anyqtap berdik dep, máz.
Natalıa Kıl, «Damý» aqparattyq tehnologııalar ortalyǵy» kompanııasynyń bas dırektory: - Biz qadaǵalaý organy nemese densaýlyq saqtaý basqarmasy emespiz. Árdaıym jumysymyzdy tııanaqty, jaqsy jasaýǵa tyrysamyz. Biz adamdarǵa shynaıy aqparatty kórýge, zańbuzýshylyqty anyqtaýǵa múmkindik berdik. Bul – ashyqtyq. ıfrlandyrýdyń basty maqsaty da osy. Bul qural sııaqty. Sondyqtan kez kelgen qural sııaqty, ony durys paıdalaný kerek.
Emhanalardyń mundaı áreketke barýynyń máni mynada: «Damýmed» arqyly em-dom sharalary júrgizilse, mindetti áleýmettik medıınalyq saqtandyrý qorynan aqsha bólinedi. «Barmaq basty, kóz qystyǵa» barǵan aq halattylar osylaı ońaı oljaǵa keneledi. Adamdy emdemeı, tek qaltasyna qyzyqqandardyń isin Densaýlyq saqtaý mınıstrligi biledi eken. Sońǵy alty aıda anyqtalǵan 12 myńdaı jalǵan qabyldaýlardyń kesirinen, bıýdjettiń 75 mıllıon teńgesi talan-tarajǵa túsken.
Baǵdat Qojahmetov, QR densaýlyq saqtaý mınıstrliginiń resmı ókili: - Qazir zańdy turǵyda saraptama júrgizilip jatyr. Dárigerler men emhana basshylaryna qatysty jazany qatańdatý jaǵyn qarastyramyz. Bul óreskel zańbuzýshylyq. Mundaı qatelikter adamdardyń ómirine, densaýlyǵyna qatty áser etýi múmkin.
«Tegin emdedik» dep, ózderiniń naýqastaryn syrtynan emdegen medıınalyq uıymdar, sáıkesinshe medıınalyq saqtandyrý qoryna da áqatyrdyqá dep esep beretini sózsiz. Al qor buqaranyń daýynan keıin ilezde zańbuzýshylyqtardy anyqtadyq dep aqtaldy. Endi ótirik emdegen emhanalarǵa aıyppul salynady.
Aıyppul kólemi medıınalyq qyzmet kórsetý qunynyń 300 paıyzyn quraıdy. Aq halattylardyń qalaı emdep, qandaı em sharalaryn júrgizgenin qor ókilderi «Damýmed» arqyly bilip almaqshy. 300 paıyzdyq aqshalaı ótemdi emhana basshylary óteýi tıis. Al dárigerler tártiptik jazamen qutylady.
"Adyrna" ulttyq portaly
