Atyraý munaı óńdeý zaýytynyń bas dırektory men bas ınjeneri qyzmetinen bosatyldy. «QazMunaıGaz» tarapynan qurylǵan komıssııanyń tekserý jumysynan keıin osyndaı sheshim qabyldandy, dep habarlaıdy “Adyrna” ulttyq portaly.
«QazMunaıGaz» UK AQ Atyraý munaı óńdeý zaýytyndaǵy ahýalǵa baılanysty qurylǵan komıssııa jumysynyń nátıjesin jarııa etti.
«Atyraý munaı óńdeý zaýytynyń bas dırektory Ǵalymjan Jýsanbaev pen bas dırektordyń orynbasary – bas ınjener Ádilet Shoshanbasovty qyzmetterinen bosatý týraly sheshim qabyldandy. Bas dırektordyń mindetin atqarý ári qaraı sheshim qabyldanǵanǵa deıin Atyraý munaı óńdeý zaýyty bas dırektorynyń orynbasary – tehnıkalyq dırektor Oleg Aleksandrovıch Lyzlovqa júkteletin bolady», dep habarlady kompanııanyń baspasóz qyzmeti.
Aıta keteıik, zaýyt munaı ónimderin óndirýdi jáne jóneltýdi shtattyq rejımde jalǵastyryp jatyr.
Buǵan deıin Atyraý munaı óńdeý zaýytynyń (ANPZ) bas dırektory bolǵan Ǵalymjan Jýsanbaev Qazaqstan Respýblıkasynyń Prezıdenti Qasym-Jomart Toqaevqa beıneúndeý joldap, eski klannyń bılikke kedergi keltirip otyrǵanyna alańdaýshylyq bildirgeni týraly jazǵan edik.
