Atyrau mūnai öŋdeu zauytynyŋ bas direktory men bas injenerı qyzmetınen bosatyldy. «QazMūnaiGaz» tarapynan qūrylǧan komissiianyŋ tekseru jūmysynan keiın osyndai şeşım qabyldandy, dep habarlaidy “Adyrna” ūlttyq portaly.
«QazMūnaiGaz» ŪK AQ Atyrau mūnai öŋdeu zauytyndaǧy ahualǧa bailanysty qūrylǧan komissiia jūmysynyŋ nätijesın jariia ettı.
«Atyrau mūnai öŋdeu zauytynyŋ bas direktory Ǧalymjan Jusanbaev pen bas direktordyŋ orynbasary – bas injener Ädılet Şoşanbasovty qyzmetterınen bosatu turaly şeşım qabyldandy. Bas direktordyŋ mındetın atqaru ärı qarai şeşım qabyldanǧanǧa deiın Atyrau mūnai öŋdeu zauyty bas direktorynyŋ orynbasary – tehnikalyq direktor Oleg Aleksandrovich Lyzlovqa jükteletın bolady», dep habarlady kompaniianyŋ baspasöz qyzmetı.
Aita keteiık, zauyt mūnai önımderın öndırudı jäne jöneltudı ştattyq rejimde jalǧastyryp jatyr.
Būǧan deiın Atyrau mūnai öŋdeu zauytynyŋ (ANPZ) bas direktory bolǧan Ǧalymjan Jusanbaev Qazaqstan Respublikasynyŋ Prezidentı Qasym-Jomart Toqaevqa beineündeu joldap, eskı klannyŋ bilıkke kedergı keltırıp otyrǧanyna alaŋdauşylyq bıldırgenı turaly jazǧan edık.
Ūqsas jaŋalyqtar
