Seisenbı Ükımet otyrysynan keiıngı baspasöz mäslihatynda Premer-ministrdıŋ orynbasary Serık Jūmanǧarin jūmyrtqa nege qymbattap jatyr, ösımdık maiynyŋ qūnyn ne üşın qadaǧalaidy, nan men ūnnyŋ baǧasy öse me, qarapaiym adamdar qai jerde sauda jasauy kerek, jaŋa jyl qarsaŋynda azyq-tülık baǧasy ädettegıdei şaryqtai ma degen sūraqtarǧa da jauap berdı, dep habarlaidy "Adyrna" ūlttyq portaly.
Serık Jūmanǧarin qarapaiym adamdar üi maŋyndaǧy şaǧyn dükennen emes, bazar men supermarketten sauda jasauy kerek ekenın aitty.«Üidıŋ qasyndaǧy şaǧyn dükenderde baǧa qymbat bolady. Orta eseppen alǧanda bır adam osyndai dükenderge nan, airan, süt satyp aluǧa aptasyna 4 ret barady. Al köp tauar alu üşın supermarketterge 2 ret barady. Qymbat baǧaǧa ūrynbau üşın qarapaiym adamdar demalys künderı bazarda nemese supermarketterde sauda jasauy kerek. Būl jerde baǧa tömen bolady. Üidıŋ qasyndaǧy şaǧyn dükenderdegı baǧany negızge almau qajet. Ūlttyq statistika biurosynyŋ mälımetterıne süiengen dūrys. Būl senuge bolatyn jalǧyz memlekettık mekeme», – dedı S. Jūmanǧarin.Vise-premer jaŋa jyl qarsaŋynda azyq-tülık baǧasy şaryqtap ketedı dep qorqudyŋ qajetı joq ekenın aitty.
«Baǧanyŋ bırneşe ese ösuın kütpeu kerek. Jahandyq üderıste barlyq elderdıŋ aqşa-nesie saiasaty aiasynda būrandalar qataitylyp jatyr. Barlyǧy infliasiiamen küresude. Barlyq elderde infliasiia kütkennen joǧary bolyp tūr. Bız būdan tys qala almaimyz. Bız jabyq emes, aşyq elde ömır sürıp jatyrmyz. Alaida infliasiia şaryqtap ketpeidı. Baǧanyŋ aitarlyqtai ösuı bolmaidy», – dedı S. Jūmanǧarin.Ükımet basşysynyŋ orynbasary jyl basynan berı jalpy infliasiia 10,8%-ǧa deiın tömendegenıne nazar audardy.
«Bır aida 1%-ǧa tömendedı. Qaraşada jyl soŋynda 10 paiyzdyq dälızge şyǧamyz ba degen sūraqtyŋ jauabyn bılemız dep otyrmyz. Jergılıktı atqaruşy organdarǧa biudjetten 100 mlrd teŋgeden astam qarjy bölındı. Bız kökönısterdı, atap aitqanda, qajettı mölşerde säbız, piiaz, qyryqqabat jäne kartop satyp aldyq. 9 önımge tıkelei tauar öndıruşılerden, auylşaruaşylyǧy tauaryn öndıruşılerınen mındettı satyp alu erejesın engızdık», –dep qorytty oiyn Premer-ministrdıŋ orynbasary.Degenmen, Premer-ministrdıŋ orynbasary soŋǧy 6 aida jūmyrtqanyŋ baǧasy aitarlyqtai qymbattaǧanyn moiyndady.
«Bızdı jūmyrtqanyŋ baǧasy alaŋdatatyp otyr. Ol qatty qymbattap kettı. Taldau jürgızıp jatyrmyz, jergılıktı komissiialar qūryldy, onyŋ qūramyna bırqatar memlekettık organdar kıredı. Barlyq qūs fabrikalary köbınese jeke tūlǧa bolyp tabylatyn deldaldar arqyly jūmys ısteidı. Öitkenı olar jūmyrtqa üşın bırden qolma-qol aqşa töleidı. Monopoliiaǧa qarsy komitet shemanyŋ ary qarai qalai jūmys ısteitının zerdelep jatyr. Mūny anyqtauǧa köp uaqyt qajet. Bız jūmyrtqany ÄKK tıkelei satyp aluy tiıs tauarlar sanatyna qostyq. Iаǧni ÄKK qūs fabrikalaryna tıkelei tölem jasap, olardan jūmyrtqa satyp aluy kerek. Senbı künı alǧaşqy nätijelerge qol jetkızemız dep ümıttenemın», – dedı S.Jūmanǧarin.Vise-premer ösımdık maiynyŋ qūnyn ünemı qadaǧalap otyratynyn alǧa tartty.
«Ösımdık maiyn ünemı qadaǧalap otyramyn, öitkenı bızde baǧany tūraqty ūstau jönınde kelısım bar. Sūiyq maidyŋ baǧasy arzandap jatyr. Mai öndıruşıler mındettemelerın oryndap otyr», – dedı S. Jūmanǧarin.Premer-ministrdıŋ orynbasary nannyŋ baǧasy öspeidı dep senımdı söiledı.
«Nannyŋ baǧasy qymbattamaidy. Baǧany ūstap tūru üşın barlyq aimaqta arnaiy rezerv, azyq-tülık korporasiialary bar», – dedı ol.S. Jūmanǧarin ūn baǧasy qatysty jaǧdai säl basqaşa ekenın tüsındırdı.
«Ūn baǧasyn tömendetuge qarastyrylǧan rezerv bar, bıraq ükımet baǧasyn yryqtandyrmaityn ūn da bar. Biyl egınnıŋ naşar şyǧuyna bailanysty ūn baǧasy köterıldı. Būǧan bidai baǧasynyŋ qymbattauy ǧana emes, logistikadaǧy olqylyqtar da äser ettı. Bügıngı taŋda mäselelerdıŋ barlyǧyn şeştık. Üilestıru ortalyǧy jūmys ıstep jatyr. Ūnǧa qatysty jaǧdai tūraqty», – dedı Ükımet basşysynyŋ orynbasary.Onyŋ aituynşa, 2 kelı bırınşı sūrypty ūnnyŋ baǧasy şamamen 535 teŋge tūrady. Alaida üilerdıŋ astyndaǧy dükenderde basqa baǧa.
«Būl baǧaǧa män berudıŋ qajetı joq. Statistika ūnnyŋ ortaşa qūny özgermegenın körsetıp otyr», – dedı sūhbat beruşı.
«Adyrna» ūlttyq portaly
Ūqsas jaŋalyqtar
