Turmystyq ómirde túrli keleńsizdikterge kezigip jatamyz. Al siz sol keleńsizdikterdi tez sheshýdiń joldaryn bilesiz be? Bilmeseńiz, bul maqala sizge arnalady. «Adyrna» ulttyq portaly turmystyq ómirde asa qajet bolatyn laıfhaktardy nazarlaryńyzǵa usynady.
Kúıip qalǵan tabany tazalaımyz
Kúıip qalǵan tabany kóp kúsh jumsamaı tazartýǵa bolady. Ol úshin tabaǵa kishkene sý quıyp, 1 staqan sirke sýyn qosý kerek. Sodan keıin tabany peshte birneshe mınýt qyzdyryńyz. Keıin 2 as qasyq as sodasyn qosyńyz. Nátıjesinde kúıgen tamaq qaldyqtaryn ońaı joıýǵa bolady.
Kilemdegi daq
Eshqandaı jaǵdaıda daqty dymqyl shúberekpen jáne sabynmen súrtpeý kerek. Oǵan azdap sirke sýyn quıyp, bir shymshym as sodasyn sebińiz. Sodan keıin paıda bolatyn kópirshikti qospa daqty ketiredi. Kópirshikti maqtamen súrtip tastańyz.
Shań
Kádimgi shúberek shańnan arylýǵa kómektesedi, biraq bul ýaqytsha ǵana. Jıhazdy shańnan uzaq ýaqyt qorǵaý úshin antıstatıkalyq shúberek maılyqtaryn qoldaný kerek.
Aına
Aınany tazartý úshin qaǵaz súlgilerdi paıdalanýdyń qajeti joq. Sebebi súrtkennen keıin qaǵaz bólikteri aınaǵa jabysyp qalady. Onyń ornyna gazetpen tazalap kórińiz. Gazetten eshqandaı qaldyq qalmaıdy ári jaqsy tazalaıdy.
Vanna
Vannany tazartýdyń qıyn ekendigi barlyǵyna málim. Eger siz ony tuzǵa jarty lımon nemese greıpfrýtti qosyp súrtip shyqsańyz, tez tazalaı alasyz.
Kıimdegi boıaý
Eger siz baıqaýsyzda kıimińizge boıaý quıyp alsańyz, onyń kepkenin kútińiz. Keıin ony ustaranyń júzimen ońaı alyp tastaýǵa bolady. Árıne matany kesip almaýǵa tyrysý kerek. Muqııat bolyńyz.
Pernetaqta
Pernataqta ýaqyt óte kele kirleıdi. Alaıda ony kóp kúsh jumsamaı-aq tazartýdyń jaqsy tásili bar. Aldymen siz pernetaqtany eski tis etkasymen tazalap alyńyz. Sodan keıin shań sorǵyshty paıdalanyp, odan barlyq kirdi soryp alyńyz.
Blender
Kóbinese blenderdi qolmen tazalaǵan kezde qol jaraqattary paıda bolyp jatady. Jaraqattyń aldyn alyp, ońaı tazalaý úshin blenderge azdap ystyq sý quıyńyz. Odan soń oǵan sabyn qosý kerek. Keıinnen blenderdi bir-eki mınýtqa qosyńyz. Ol ózin-ózi tazartady.
Gýbka
Ydys-aıaqtardy jýǵannan keıin, ádette, gýbkany jaı sýmen jýyp, keptirýge qaldyrady. Biraq bul bakterııalar men mıkrobtardy óltirmeıdi. Mıkrobtardan qutylý úshin ony sýǵa malyp alyp,mıkrotolqyndy peshte eki mınýttaı ustaý kerek.
Dıana ASANOVA, «Adyrna» ulttyq portaly
